Almaty qalalyq Politsiia departamenti Ákimshilik politsiia basqarmasynyń basshysy Jandos Murataliev blok beketterdiń jumysy jaily keńirek túsindirdi, dep habarlaidy QazAqparat.
Onyń aitýynsha, ázirge blok beketter arqyly zat alysýǵa bolady.
«Men osy jerde turǵanda 60 jastaǵy adam kelip 80 jastaǵy anasyna Talǵar qalasyna dári berýi kerektigin aityp ótinish jasady. Bul dáriler sol jaqtaǵy dárihanalarda joq eken. Mundai jaǵdaida árine, biz túsinistikpen qarap, taýardy berip jiberemiz», - dedi ol.
Onyń aitýynsha, blok beketteri arqyly belgili bir sebeptermen qaladan tys qalǵan balalardy da ótkizýge bolady.
«Tek qana balalar emes. Eresekter de bar. Mysaly, aýrýhanadan shyqqan Almaty oblysynyń turǵyndary ótip jatyr. Iaǵni, 100 paiyz ótkizbeidi degen túsinik joq. Beket arqyly ótpek bolǵan ár adamnyń máselesin jeke qaraýǵa tyrysyp jatyrmyz», - dedi Jandos Murataliev.
Al 22 naýryzdan bastap qalaǵa kirip-shyǵýǵa múlde tyiym salynady. Sol ýaqyttan bastap sharalar kúsheitiledi.
