Foto: Pexels.com
Elimizde resmi túrde 745 bloger tirkelgen. Olar osy jylydń 9 aiynda memleketke 1,2 mlrd teńgeden astam salyq tóledi. Bul týraly Memlekettik kirister komitetinen málim etti, dep habarlaidy Kazinform HAA.
«Qazaqstan Respýblikasynyń «Onlain-platformalar jáne onlain-jarnama týraly» Zańynyń erejelerine sáikes infliýenser (bloger) – onlain-platformada basqa da tulǵalarǵa aqparatty kásipkerlik qyzmet maqsatynda jariialaityn onlain-platformany paidalanýshy. Búgingi tańda Respýblika boiynsha 745 bloger (tizim áleýmettik jelilerde – Instagram, Youtube, TikTok-ta 20 myńnan astam jazylýshysy bar jeke tulǵalardan qurylǵan) bar. Salyq kodeksine sáikes, blogerlerdiń, onyń ishinde jarnama berýden nemese aqparattyq ónimderdi jyljytýdan túsetin tabystarǵa salyq salynady», - dep atap ótedi komitetten agenttiktiń resmi saýalyna orai.
Vedomstvo málimetinshe, eger bloger jaldamaly jumyskerlerdiń eńbegin paidalansa nemese onyń jyldyq tabysynyń mólsheri 12 eń tómengi jalaqydan assa (2024 jylǵy 1 qańtardan bastap eń tómengi jalaqy - 85 000 teńge, bul 1 020 000 teńgeni quraidy) jeke kásipker retinde tirkelýge mindetti.
«Jalpy, otandyq blogerlerdiń kópshiligi qazirdiń ózinde kásipker sanalady jáne qoldanylatyn salyq rejimine bailanysty tiisti salyqtardy tóleidi. Máselen, sońǵy 9 aida olar 1 mlrd 226 mln teńgeden astam somaǵa salyq tóledi», - dedi komitetten.
