Foto: Polisia.kz
Uiymdasqan qylmysqa qarsy kúres basqarmasy Petropavldaǵy saýda jelisiniń basshylyǵynan aqsha bopsalaǵandardy ustady, – dep habarlaidy "Ult aqparat" Polisia.kz portalyna silteme jasap.
"Saýda jelileriniń biriniń direktorynyń aryzy boiynsha jedel is-shara júrgizgen SQO PD uiymdasqan qylmysqa qarsy kúres basqarmasynyń qyzmetkerleri jábirlenýshiden 50 million teńge aqsha bopsalaǵany úshin Petropavldyń eki turǵynyn ustady. 33 jáne 34 jastaǵy eki jas jigit áleýmettik jelilerde tutynýshylardyń quqyqtaryn qorǵaýǵa arnalǵan resýrstardyń avtorlary retinde kópshilik arasynda jaqsy tanys.
2022 jyldyń basynan bastap tutynýshylardyń quqyqtaryn qorǵaýdy uran etken er adamdar Petropavldyń saýda núktelerinde reidter júrgizip otyrǵan; blogerler retinde saýda jelisi qyzmetkerleriniń qatysýymen arandatýshylyq sipatyndaǵy beinerolikter túsirip, politsiia men ózderi arasynda janjaldy jaǵdailar jasap otyrǵan. Alaida olar jelidegi aýditoriia arasynda zor tanymaldyqqa ie bolmaǵan; YouTube arnasy men Instagram jelisinde birneshe myń jazylýshysy bar, kópshiligi - SQO turǵyndary" - delingen habarlamada.
Arandatýshylyq pen janjaldar kezinde merzimi ótken ónimdi satý faktisin jeleý etip júrgen. Alaida kei jaǵdailarda — shokolad, sýsyndar siiaqty taýarlardyń aqshasyn tólemei ózderimen birge alyp ketip otyrǵan. Kúdiktiler reidtik sharalarmen birge memlekettik organdarǵa saýda oryndarynda anyqtalǵan zań buzýshylyqtar týraly shaǵymdardy jibergen. Osyndai áreketteri arqyly biznesti jospardan tys tekserýge sebepshi boldy.
"Qyrkúiek aiynyń basynda jastar bopsalaý arqyly saýda jelisiniń óńirlik direktorynan óz áreketterin toqtatýǵa 50 mln teńge somasynda aqsha talap ete bastaǵan, alaida olardy SQO PD UQQKB qyzmetkerleri bopsalaý arqyly talap etilgen somanyń 5 mln teńge kólemindegi bir bóligin alyp jatqan jerinde ustady.
QR Qylmystyq kodeksiniń 194-baby 2-bóligi 2-tarmaǵy boiynsha sotqa deiingi tergeý bastaldy. Qazir tintý sharalary men tergeý áreketteri júrgizilip jatyr, olardyń nátijeleri boiynsha túpkilikti protsestik sheshim qabyldanatyn bolady" - delingen habarlamada.
