Qazaqstandaǵy «Jastar jyly» aiasynda «A kind heart» qoǵamdyq birlestigi «I’m from Qazaqstan» atty videorolikter báigesin uiymdastyrýda, dep habarlaidy "Ult aqparat".
«Báige sharty boiynsha qatysýshylar týǵan qalalary nemese aýyldary týraly qysqasha videorolik túsirýi kerek. Óz týyndysynda týǵan jeri týraly, onyń qyzyqty nemese mańyzdy jerleri týraly baiandap, týǵan jeriniń týrister úshin qandai qyzyqtary bar týraly aityp berýi qajet», delingen habarlamada.
Eń úzdik videorolik avtory bas júldege 1 mln teńge alady, ekinshi oryn iesi – 500 myń teńge, al úshinshi oryn iesi – 300 myń teńge alady. Báige qorytyndysy boiynsha finalǵa jetken qatysýshylar Qazaqstandaǵy YouTube kompaniiasynyń resmi ókilimen kelisimshartqa otyryp, óz arnalarynyń daýmyna qatysty mamandardyń keńesterin alady.
Báigeniń maqsaty – Qazaqstanda video blog salasyn damytý, jańa talanttardy ashyp, daryndy jastardy qoldaý jáne Qazaqstandaǵy týrizm týraly qyzyqty videoaqparat sanyn arttyrý.
Jeńimpazdardy quttyqtaý saltanatty rásimi 24-25 tamyzda Nur-Sultan qalasynda ótetin «Qazaqstandy asha otyryp» atty halyqaralyq blogerler forýmynda ótedi.
Jarysqa qatysatyn jumystar tamyzdyń 12-shi juldyzyna deiin qabyldanady. Báigege jasy 18-ge tolǵan elimizdiń barlyq azamattary qatysa alady.
Baiqaý týraly tolyq aqparatty saittan bilýge bolady.
