قازاقستانداعى «جاستار جىلى» اياسىندا «A kind heart» قوعامدىق بٸرلەستٸگٸ «I’m from Qazaqstan» اتتى ۆيدەوروليكتەر بەيگەسٸن ۇيىمداستىرۋدا, دەپ حابارلايدى "ۇلت اقپارات".
«بەيگە شارتى بويىنشا قاتىسۋشىلار تۋعان قالالارى نەمەسە اۋىلدارى تۋرالى قىسقاشا ۆيدەوروليك تٷسٸرۋٸ كەرەك. ٶز تۋىندىسىندا تۋعان جەرٸ تۋرالى, ونىڭ قىزىقتى نەمەسە ماڭىزدى جەرلەرٸ تۋرالى بايانداپ, تۋعان جەرٸنٸڭ تۋريستەر ٷشٸن قانداي قىزىقتارى بار تۋرالى ايتىپ بەرۋٸ قاجەت», دەلٸنگەن حابارلامادا.
ەڭ ٷزدٸك ۆيدەوروليك اۆتورى باس جٷلدەگە 1 ملن تەڭگە الادى, ەكٸنشٸ ورىن يەسٸ – 500 مىڭ تەڭگە, ال ٷشٸنشٸ ورىن يەسٸ – 300 مىڭ تەڭگە الادى. بەيگە قورىتىندىسى بويىنشا فينالعا جەتكەن قاتىسۋشىلار قازاقستانداعى YouTube كومپانيياسىنىڭ رەسمي ٶكٸلٸمەن كەلٸسٸمشارتقا وتىرىپ, ٶز ارنالارىنىڭ داۋمىنا قاتىستى مامانداردىڭ كەڭەستەرٸن الادى.
بەيگەنٸڭ ماقساتى – قازاقستاندا ۆيدەو بلوگ سالاسىن دامىتۋ, جاڭا تالانتتاردى اشىپ, دارىندى جاستاردى قولداۋ جەنە قازاقستانداعى تۋريزم تۋرالى قىزىقتى ۆيدەواقپارات سانىن ارتتىرۋ.
جەڭٸمپازداردى قۇتتىقتاۋ سالتاناتتى رەسٸمٸ 24-25 تامىزدا نۇر-سۇلتان قالاسىندا ٶتەتٸن «قازاقستاندى اشا وتىرىپ» اتتى حالىقارالىق بلوگەرلەر فورۋمىندا ٶتەدٸ.
جارىسقا قاتىساتىن جۇمىستار تامىزدىڭ 12-شٸ جۇلدىزىنا دەيٸن قابىلدانادى. بەيگەگە جاسى 18-گە تولعان ەلٸمٸزدٸڭ بارلىق ازاماتتارى قاتىسا الادى.
بايقاۋ تۋرالى تولىق اقپاراتتى سايتتان بٸلۋگە بولادى.
