Shymkentte Rýslan Janpeiisov esimimen belgili bloger ákimshilik quqyqbuzýshylyq úshin 25 táýlikke qamaýǵa alyndy, dep habarlaidy "Ult aqparat".
Shymkent qalalyq Politsiia departamentinen málim etkendei, 12 sáýir kúni Shymkent qalasyndaǵy «Kapal batyr» kópiriniń janyndaǵy blokpostta politseiler toqtatqan kólikterdiń arasynda «Opel» avtomashinasy bolǵan. Karantin kezinde qalada júrip-turýǵa ruqsat qujattaryn tekserý barysynda júrgizýshi Bibarys Raiymbekov (Rýslan Janpeiisov esimimen tanymal bloger) «Adil Stroi Project» JShS-da zańger bolyp jumys isteitini týraly anyqtama usynǵan.
«Onyń sózinshe, sol anyqtama negizinde politseiler ony kedergisiz ótkizýi tiis bolǵan. Onymen birge, anyqtalǵandai, atalmysh JShS qazirgi ýaqytta qala ishinde eshqandai jumystar atqaryp jatqan joq. Azamattarǵa, sonyń ishinde ishki ister organdaryna zańdy saqtaý qajettigin aityp júretin bloger tekseris barysynda quqyqtyq tártipti buzýǵa árekettendi. Ol qujattar tekserilgennen keiin de politsiia qyzmetkerleriniń jumysyna kedergi keltirýdi jalǵastyrdy. Video jazyp, áleýmettik jelilerde transliatsiia júrgizdi. Solaisha, olardyń blokposttaǵy jumystaryna kedergi jasady», - dedi politsiiada.
Bibarys Raiymbekovke qatysty QR Ákimshilik quqyqbuzýshylyq týraly kodekstiń 476-ynshy (Tótenshe jaǵdai rejimin buzý) jáne 478-baptaryna (Tótenshe jaǵdai kezinde quqyqtyq tártipti buzýǵa ákep soǵatyn áreket jasaý) sáikes ákimshilik hattamalar toltyryldy.
«14 sáýir kúni videokonferentsiia túrinde ótken sot protsesinde TJ rejimin buzýshyǵa 10 táýlikke ákimshilik qamaýǵa alý taǵaiyndaldy. Sondai-aq sot anyqtaǵandai, azamat Raiymbekov tótenshe jaǵdaidyń engizilýine bailanysty quqyqqorǵaý organdary qyzmetkerleriniń tarapyna óziniń narazylyq sózderin bildirip, is-áreketimen quqyqtyq tártipti buzýǵa árekettendi. Tikelei efirdegi transliatsiiada óziniń negativti pikirlerin bildire otyryp, tótenshe jaǵdai rejimi jariialanǵan eldimekende qyzmettik mindetterin atqaryp jatqan laýazymdyq tulǵalarǵa qarsylyq bildirdi. Osyǵan orai, oǵan 25 táýlikke ákimshilik qamaýǵa alý taǵaiyndaldy», - dedi departamentten.
