Oblys ákiminiń ókimimen jáne BQO memlekettik qyzmet isteri boiynsha ýákiletti organnyń kelisimimen rotatsiia qaǵidasy aiasynda Berik Esenǵaliev oblystyq jerdiń paidalanylýy men qorǵalýyn baqylaý basqarmasynyń basshysy bolyp taǵaiyndaldy, dep habarlaidy "Ult aqparat".
BQO ákiminiń baspasóz qyzmetinen túsken málimetke qaraǵanda, Berik Abatuly 1977 jyly dúniege kelgen.
Bilimi joǵary. Batys Qazaqstan agrarlyq ýniversitetin ekonomist mamandyǵy boiynsha támamdaǵan. Ekonomika ǵylymdarynyń magistri dárejesi bar.
Ár jyldary «Qurmet» ZJQ BQO filialynyń zeinetaqy qory jónindegi mamany, aimaqtyq direktory, óńirdegi túrli kásiporynda basshylyq qyzmette boldy.
Sondai-aq Jánibek aýdany ákiminiń orynbasary, osy aýdannyń ákimi, BQO qarjy basqarmasy basshysynyń orynbasary, BQO energetika jáne turǵyn úi-kommýnaldyq sharýashylyǵy basqarmasy basshysynyń orynbasary, 2017 jyldan BQO aýyl sharýashylyǵy basqarmasynyń basshysy qyzmetin atqardy.
