© Sputnik / Mariia Devahina
Batys Qazaqstan oblysynyń turǵyny áieline syilaǵan gúl shoǵynyń aqysyn bóten adamnyń bank kartasymen tólegen, dep habarlaidy Polisia.kz.
Aqsai qalasynyń politseileri tabylǵan bank kartasyn jeke maqsatynda paidalanǵan kúdiktini anyqtady.
"Jedel izdestirý sharalarynyń nátijesinde politseiler joǵalǵan bank kartasyn paidalanyp, quny 400 myń teńgeden asatyn satyp alýdy júzege asyrǵan kúdiktini anyqtady", - dep jazylǵan habarlamada.
Áiel adam kartasyn joǵaltyp alǵanyn tipti bilmegen de. Ol kartany paidalanbai, banktiń qosymshasyn paidalanǵan. Sol sebepti ol óz shotyndaǵy aqshanyń esebin kartany joǵaltqannan keiin bir aidan soń ǵana baiqaǵan.
33 jastaǵy Aqsai qalasynyń turǵyny kartany taýyp alyp, azyq-túlik, alkogoldik sýsyndar siiaqty kóptegen saýda jasap, tipti áieline gúl shoǵyn da satyp alǵan.
Politseiler kúdiktini anyqtady. Oǵan qatysty sotqa deiingi tergeý bastaldy.
Politseiler azamattarǵa muqiiat bolýdy eskertip, bank kartalary siiaqty jeke zattar joǵalǵan jaǵdaida bul týraly bankke dereý habarla kerektigin eske saldy.
