video kadry
Batys Qazaqstan oblysynyń politsiiasy Oral perzenthanasyndaǵy jańa týǵan sábidiń "ólimine" qatysty isti tergei bastady. Alaida is júzinde náreste AQSh-qa satylǵan bolyp shyqty, - dep habarlaidy "Ýralskaia nedelia».
Basylymnyń málimetinshe, 2000 jyly Aqjaiyq aýdanynyń 27 jastaǵy turǵyny Oraldaǵy №3 perzenthanaǵa kesar tiligi arqyly ota jasatýǵa jetkizilgen. Anesteziiadan keiin áiel qyzy qaitys bolǵanyn estigen. Ata-anasyna náresteniń denesi berilgen, osylaisha olar ony týǵan aýylyna jerlegen.
2024 jyly qarashada BQO turǵynyna belgisiz nómirden qońyraý shalǵan, oǵan qyzy tiri ekeni, Amerikada turatyny aitylǵan. Alǵashynda áiel buǵan senbegen, biraq kóp uzamai balasynyń daýsyn estipti. Birneshe ai boiy olardyń kezdesýine daiyndyq júrgizilgen: viza rásimdeý, qujattardy jinaý.
Qyz AQSh-ta ósken, magistratýrany bitirgen, qazir psiholog bolyp jumys isteidi. Bul derek boiynsha sotaldy tergeý júrgizilip jatyr.
"Tergeý barysy Politsiia departamenti basshylyǵynyń baqylaýynda. Qazir tergeý júrgizilip jatyr. Tergeý nátijeleri boiynsha qoldanystaǵy zańnama sheńberinde túpkilikti sheshim qabyldanady", - dedi BQO PD ókili.
