ۆيدەو كادرى
باتىس قازاقستان وبلىسىنىڭ پوليتسيياسى ورال پەرزەنتحاناسىنداعى جاڭا تۋعان سەبيدٸڭ "ٶلٸمٸنە" قاتىستى ٸستٸ تەرگەي باستادى. الايدا ٸس جٷزٸندە نەرەستە اقش-قا ساتىلعان بولىپ شىقتى, - دەپ حابارلايدى "ۋرالسكايا نەدەليا».
باسىلىمنىڭ مەلٸمەتٸنشە, 2000 جىلى اقجايىق اۋدانىنىڭ 27 جاستاعى تۇرعىنى ورالداعى №3 پەرزەنتحاناعا كەسار تٸلٸگٸ ارقىلى وتا جاساتۋعا جەتكٸزٸلگەن. انەستەزييادان كەيٸن ەيەل قىزى قايتىس بولعانىن ەستٸگەن. اتا-اناسىنا نەرەستەنٸڭ دەنەسٸ بەرٸلگەن, وسىلايشا ولار ونى تۋعان اۋىلىنا جەرلەگەن.
2024 جىلى قاراشادا بقو تۇرعىنىنا بەلگٸسٸز نٶمٸردەن قوڭىراۋ شالعان, وعان قىزى تٸرٸ ەكەنٸ, امەريكادا تۇراتىنى ايتىلعان. العاشىندا ەيەل بۇعان سەنبەگەن, بٸراق كٶپ ۇزاماي بالاسىنىڭ داۋسىن ەستٸپتٸ. بٸرنەشە اي بويى ولاردىڭ كەزدەسۋٸنە دايىندىق جٷرگٸزٸلگەن: ۆيزا رەسٸمدەۋ, قۇجاتتاردى جيناۋ.
قىز اقش-تا ٶسكەن, ماگيستراتۋرانى بٸتٸرگەن, قازٸر پسيحولوگ بولىپ جۇمىس ٸستەيدٸ. بۇل دەرەك بويىنشا سوتالدى تەرگەۋ جٷرگٸزٸلٸپ جاتىر.
"تەرگەۋ بارىسى پوليتسييا دەپارتامەنتٸ باسشىلىعىنىڭ باقىلاۋىندا. قازٸر تەرگەۋ جٷرگٸزٸلٸپ جاتىر. تەرگەۋ نەتيجەلەرٸ بويىنشا قولدانىستاعى زاڭناما شەڭبەرٸندە تٷپكٸلٸكتٸ شەشٸم قابىلدانادى", - دەدٸ بقو پد ٶكٸلٸ.
