Foto: ozon.kz
Batys Qazaqstan oblysynyń politsiiasy 900 myń teńge turatyn massaj oryndyǵy nege kerek ekenin túsindirdi, - dep habarlaidy Tengrinews.kz saity "Moi gorod" basylymyna silteme jasap.
Buǵan deiin qoǵam belsendisi Samal Orazǵalieva Facebook-paraqshasynda osy lotqa nazar aýdarǵan bolatyn. Satyp alýlar saityndaǵy skrinshotqa sáikes, oryndyq 891 694 teńge turady.
Batys Qazaqstan PD baspasóz qyzmeti oryndyq áli satyp alynbaǵanyn habarlady. Biraq IIM buiryǵyna sáikes, ol "qyzmetkerlerdiń psihologiialyq relaksatsiiasy jáne psihikalyq jaǵdaiy úshin" satyp alynady. Massaj kreslosy psihologtyń kabinetine ornalastyrylady jáne "qyzmetkerlerdiń jedel tapsyrmalardy oryndaǵannan keiin jumysyn qalpyna keltiredi".
Basylym redaktorlary baǵasy osyǵan keletin massaj kreslolarynyń sipattamasyn qarastyrǵan. Olar jasandy bylǵarydan jasalǵan jáne segiz massaj baǵdarlamasy bar.
Mundai oryndyqtar basqa oblystardaǵy birneshe basqarmada burynnan bar ekeni atap ótildi.
