Batys Qazaqstan oblysynda jańadan 20 reanimobil satyp alyndy, dep habarlaidy "Ult aqparat".
BQO Densaýlyq saqtaý basqarmasynyń baspasóz qyzmetinen málim etkenindei, atalǵan avtokólikter indýstriialyq damý qorymen jasalǵan kelisimge sáikes jetkizildi.
Sonyń ishinde 7 avtokólik Bókei ordasy, Bórli, Qaztalov, Tasqala jáne Shyńǵyrlaý aýdandarynyń turǵyndaryna jedel kómek kórsetý úshin aýdandyq stansalarǵa jiberildi.
Osylaisha sońǵy alty aida oblysta 57 jańa jedel járdem kóligi satyp alynyp, sonyń birqatary 12 aýdanǵa bólindi.
Kúni búgin oblystyq jedel járdem stansasyndaǵy sanitarlyq kólikter sany 116-ǵa jetip, tehnikanyń tozýy 40 paiyzǵa deiin azaidy. Degenmen ábden tozǵan 26 avtokólik esepten shyǵarýdy qajet etedi.
Atalǵan jedel járdem stansasynyń materialdyq-tehnikalyq bazasynyń jaqsarýy apatqa ushyraǵan, sondai-aq qazirgidei ár minýt mańyzdy indet kezinde adamdarǵa ýaqtyly kómek kórsetýge múmkindik beredi.
