Báiterek aýdanynda 13 qańtardan bastap karantindik shekteý sharalary kúsheitildi, dep habarlaidy "Ult aqparat".
Báiterek aýdany bas memlekettik sanitar dárigeri Aiat Úmbetálievtiń qaýlysyna sáikes memlekettik organdar men kvazimemlekettik sektor uiymdary qyzmetkerleriniń keminde 80 paiyzy qashyqtan jumys isteýge kóshiriledi. Sondai-aq jeke kásipkerlik qyzmetkerleriniń kem degende 50 paiyzyn qashyqtan jumys isteýge kóshirý usynyldy.
Birinshi kezekte jasy 50-de jáne odan asqandar qashyqtan jumys isteýi tiis. Sport jarystaryn, kórme, forým, konferentsiia, kontsert, sondai-aq otbasylyq, eske alý jáne basqa kóp adam qatysatyn is-sharalardy ótkizýge tyiym salyndy. Monitoringtik toptar jumysy shiratylady. Koronavirýstyq juqpanyń keń taralýyna jol bermeý maqsatynda saýda, qoǵamdyq tamaqtandyrý oryndarynda, bazarlarda, demalys bazalarynda, qoǵamdyq kólikte sanitarlyq-dezinfektsiialyq rejimniń saqtalýyn baqylaý kúsheitiledi.
BQO sanitarlyq-epidemiologiialyq baqylaý departamentiniń málimeti boiynsha Báiterek aýdanynda jyl basynan beri 61 adamnyń koronavirýs juqtyrǵany tirkeldi. Eske sala keteiik, budan buryn Batys Qazaqstan oblysynda 184 balanyń koronavirýstan jazylǵanyn jazǵan bolatynbyz.
