QR Premer-Ministriniń orynbasary Eraly Toǵjanov Batys Qazaqstan oblysynyń 2 aýdanyna «Áskeri dańq aýdany» mártebesin berý týraly Májilis depýtattarynyń usynysyna jaýap berdi, dep habarlaidy "Ult aqparat".
Aita ketsek, 7 qazanda ótken Májilistiń jalpy otyrysynda Shavhat Ótemisov Úkimet basshysynyń orynbasary Eraly Toǵjanovqa joldaǵan depýtattyq saýalynda Batys Qazaqstan oblysyndaǵy Jánibek jáne Bókei ordasy aýdandarynyń Stalingrad shaiqasyndaǵy jeńiske qosqan úlesi zor ekenin atap ótip, atalǵan aimaqtarǵa «Áskeri dańq aýdany» mártebesin berýdi usynǵan edi.
«Qazirgi ýaqytta Batys Qazaqstannyń eki aýdanyna erekshe mártebe berý máselesi Qazaqstan Respýblikasynyń zańnamalyq aktilerimen reglamenttelmegen. Osyǵan orai ony qosymsha pysyqtaý jáne sheshim shyǵarý úshin quqyqtyq negiz ázirleý qajet. Sol sebepti jaýapty memlekettik organdarǵa Batys Qazaqstan oblysy Jánibek jáne Bókei ordasy aýdandarynyń Stalingrad shaiqasyndaǵy jeńiske qosqan úlesin zerdeleý jónindegi arnaýly komissiiany qurý boiynsha birlesken jumysty uiymdastyrý, BQO-nyń joǵaryda atalǵan aýdandaryna «Áskeri dańq aýdany« mártebesin berý protsesin zańnamalyq tártippen retteý máselesin pysyqtaý tapsyrmasyn berdim. Ortalyq memlekettik organdar júrgizgen jumystyń qorytyndysy sizge qosymsha habarlanady», - dedi Eraly Toǵjanov.
