Batys Qazaqstan oblysynda sailaýǵa 283269 adam nemese sailaýshylardyń 62,4 paiyzy qatysty, dep habarlaidy "Ult aqparat".
Saiasi naýqan qorytyndysyn jariia etken oblystyq sailaý komissiiasynyń tóraǵasy Ǵaisa Qapaqovtyń aitýynsha, sonyń ishinde 276998-i daýys berip, óz tańdaýlaryn jasady.
Sailaýshylardyń 222616-y nemese 81,25 paiyzy «|Nur Otan» partiiasyn qoldasa, 22669-y nemese 8,27 paiyzy «Aýyl» partiiasyn, 22967-i nemese 8,38 paiyzy «Aq jol» partiiasyn jaqtap, daýys berdi. «Adal» partiiasy (5746 sailaýshy) 2,1 paiyz daýys jinady.
Saiasi partiialardyń jibergen kvotasy boiynsha «Nur Otan», «Aýyl», «Aqjol» partiialaryna depýtattyq mandat bólindi. Osylaisha oblystyq máslihattyń depýtattyǵyna «Nur Otan» partiiasynan 25, «Aýyldan» 3, «Aq joldan» 3 adam ótti.
«Barlyq deńgeidegi máslihattar boiynsha oblysta 190 depýtat mandat alady. Ár partiia óz sheshimderimen oblystyq sailaý komissiiasyna depýtattardyń aty-jónderin beredi. Biz olardyń tizimderin jariialap, ár depýtatqa kýálik, tósbelgi ázirleimiz. Oblys boiynsha sailaý uiymshyldyqpen ótti. Baiqaýshylar saiasi dodanyń joǵary deńgeide ótkenin jetkizdi. Eýropadaǵy qaýipsizdik jáne yntymaqtastyq uiymynan, sondai-aq halyqaralyq baiqaýshylar tarapynan aitarlyqtai eskertpeler bolǵan joq. Oral qalasynda sailaýshylardyń 40 paiyzy daýys berse, aýdandarda kórsetkish joǵary. 95 paiyzǵa deiin sailaýshylary qatysqan aýdandar bar», –dedi Ǵaisa Hamidollauly.
Oblystyq sailaý komissiiasy tóraǵasynyń orynbasary Viacheslav Inochkin sailaý kezinde barlyq sanitarlyq talaptardyń saqtalǵanyn jetkizdi. Sailaý ýchaskelerinde 2429 adam bolsa, sonyń 568-i – senimdi ókilder, 1333 baiqaýshynyń 478-i qoǵamdyq birlestikterden, 31-i buqaralyq aqparat quraldarynan keldi. 14 halyqaralyq baiqaýshynyń ekeýi EQYU-dan bolsa, 12-si TMD atynan qatysty.
