Arman Qalibekov BQO densaýlyq saqtaý basqarmasynyń basshysy mindetin ýaqytsha atqarýshy bolyp taǵaiyndaldy, dep habarlaidy "Ult aqparat".
Arman Talǵatuly 1974 jyly qazirgi Tasqala aýdanynda dúniege kelgen.
1999 jyly Aqtóbe memlekettik meditsina akademiiasyn pediatriia mamandyǵy boiynsha bitirip, jalpy tájiribe dáriger-pediatr biliktiligi berilgen.
1999-2002 jyldary Tasqala aýdany otbasylyq dárigerlik ambýlatoriiasynyń jáne 2002-2009 jyldary BQO konsýltativtik-diagnostikalyq ortalyǵynyń dáriger-rentgenology, 2009-2011 jyldary BQO konsýltativtik-diagnostikalyq ortalyǵynyń direktory, 2011-2015 jyldary oblystyq kópbeiindi balalar aýrýhanasynyń direktory, 2015-2016 jyldary №4 qalalyq emhana direktory qyzmetin atqardy.
2016 jyldyń tamyzynan qalalyq kópbeiindi aýrýhanasyna basshylyq etti.
Qoǵamdyq densaýlyq saqtaý mamandyǵy (áleýmettik gigiena jáne densaýlyq saqtaý isin uiymdastyrý, valeologiia, statistika, metodologiia) boiynsha joǵary sanatty maman. «Densaýlyq saqtaý menedjmenti» boiynsha birinshi sanatty maman.
Densaýlyq saqtaý salasyndaǵy jumys ótili jiyrma jyldan asady.
Ol, sondai-aq, 2015-2025 jyldarǵa arnalǵan sybailas jemqorlyqqa qarsy QR strategiiasyn iske asyrýdy syrtqy taldaý jáne baǵalaý jónindegi Batys Qazaqstan oblysyndaǵy arnaiy monitoringtik toptyń múshesi. Bul týraly Vitalii Kolpakov Feisbýk áleýmettik jelisindegi paraqshasynda málim etti.
BQO densaýlyq saqtaý basqarmasynyń baspasóz qyzmeti A.Qalibekovtiń basqarma basshysy mindetin ýaqytsha atqarýshy bolyp taǵaiyndalǵanyn rastady.
Eske sala keteiik, budan buryn para aldy dep aiyptalǵan BQO densaýlyq saqtaý basqarmasynyń burynǵy basshysy eki aiǵa qamaýǵa alynǵanyn jazǵan bolatynbyz.
