Foto: QR TJM baspasóz qyzmeti
Batys Qazaqstan oblysyndaǵy tikushaq apaty boiynsha tergeý bastaldy, - dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmeti málimetinshe, 23 aqpanda bolǵan oqiǵa Kóliktegi politsiia departamentiniń sotqa deiingi tergep-tekserýdiń biryńǵai tizilimine QR QK 344-babynyń 3-bóligi, iaǵni abaisyzda eki nemese odan da kóp adamnyń ólimine ákep soqqan áýe kóligi júrisi nemese olardy paidalaný qaýipsizdigi qaǵidalaryn buzý boiynsha tirkelgen.
Qazirgi ýaqytta osy is boiynsha QR Bas kólik prokýratýrasynyń qadaǵalaýymen tiisti tergeý amaldary júrgizilip jatyr.
Basqa aqparat QR Qylmystyq is júrgizý kodeksiniń 201-babynyń talaptaryna sáikes, tergeý múddesine orai jariialaýǵa jatpaidy.
Aita keteiik, búgin, 23 aqpanda saǵat 15:50-de Batys Qazaqstan oblysy Báiterek aýdany Chapýrino eldimekeninen 6 shaqyrym jerde "Qazaviaqutqarý" AQ-tyń 2021 jyly shyǵarylǵan Mi-8 AMT tikushaǵy jerge qatty ekpinmen qonǵan. Bortta 5 ekipaj múshesi jáne 2 jolaýshy bolǵan. Saldarynan 4 adam qaza taýyp, 2 adam zardap shekti.
MI-8 AMT Atyraý - Oral - Atyraý baǵytymen "Qaztransoil" AQ tapsyrysy boiynsha munai qubyryn teksergen.
