Foto: "Moi GOROD"
Búgin, 16 qańtarda Batys Qazaqstan oblysy Aqsai qalasyndaǵy "KKS-SIChIM" mekemesiniń qyzmetkerleri jalaqylaryn kóterýdi talap etip, ereýilge shyqty, - dep habarlaidy Tengrinews.kz portaly "Moi GOROD" basylymyna silteme jasap.
Qyzmetkerler jalaqysyn 50 paiyzǵa kóbeitýdi talap etken. Narazylyqqa 500-ge jýyq adam jinalǵan.
Ereýilge shyqqan adamdardyń sózinshe, olar búgin tańǵy altyda jumysqa shyqpai, "Sichim" kompaniiasynyń bazasynda ereýilge shyqqan.
Qyzmetkerler vahta rejimi boiynsha jumys isteitinin atap ótken: 28 kún jumys istep, 14 kún demalady. Ai saiynǵy jalaqylary 250 myń teńge eken.
"Jalaqymyzdy 50 paiyzǵa kóterýin talap etemiz, sebebi qazirgi ailyǵymyz jetpeidi. Bári qymbattap jatyr", - deidi qyzmetkerlerdiń biri.
Basylym málimetinshe, ázirge beiresmi derek boiynsha, kompaniia basshylyǵy qyzmetkerlerdiń talabyn jartylai oryndaýǵa daiyn. Iaǵni kompaniia qyzmetkerleriniń jalaqysyn 20 paiyzǵa kóterýi múmkin. Alaida qyzmetkerler olardyń talaby tolyq oryndalmai tarqamaityndaryn jetkizgen.
"Moi GOROD" portalynyń málimetinshe, Bórli aýdanynyń ákimdigi 16 qańtarda "KKC-Sicim" JShS-niń 500-ge jýyq qyzmetkeri jalaqyny 50 paiyzǵa arttyrý talaptarymen jumys ýchaskelerine barýdan bas tartqanyn habarlady. "KKC-Sicim" JShS Bórli aýdany Pýgachevo aýylynda ornalasqan, onda 3000-ǵa jýyq adam jumys isteidi.
"KKC-Sicim" basshylyǵy Ujymdyq eńbek shartyna sáikes biyl aqpannan bastap jalaqyny 20 paiyzǵa arttyrýdy josparlady. Áleýmettik áriptestik jáne áleýmettik-eńbek qatynastaryn retteý jónindegi aýdandyq úshjaqty komissiiada jalaqynyń ósýi talqylandy. Osy másele boiynsha bólimshe basshylyǵy 16 qańtarda jinalys ótkizýdi josparlaǵan bolatyn, buǵan deiin kompaniianyń kadr qyzmeti barlyq qyzmetkerlerge jalaqy boiynsha barlyq ózgeris boiynsha filial qyzmetkerleri úshin jinalys uiymdastyrylatyny týraly jetkizgen bolatyn", - dedi aýdan ákimdigi ókilderi.
Aita keteiik, portal málimetinshe, sońǵy ret kompaniiada jalaqy 2022 jyldyń aqpan aiynda 8,5 paiyzǵa kóterilgen. Aldyn ala aqparat boiynsha, ereýilge negizinen "Teńizshevroil" burynǵy qyzmetkerleri shyqqan, olar byltyr qysqartýǵa túsip, qazir "Sichimde" jumys isteidi. Jalaqyny kóterýden basqa, olar basshylyqtan óz mamandyqtary boiynsha dárejelerdi alyp tastaýdy talap etken.
