Batys Qazaqstan oblysynda júk poiyzy qaǵyp ketken er adam aýrýhanaǵa jetkizildi, dep habarlaidy "Ult aqparat".
QR IIM Kóliktegi politsiia departamentiniń baspasóz qyzmeti málim etkenindei, oqiǵa 9 maýsym kúni tańǵa jýyq boldy.
Saǵat 05.00-der shamasynda Oral stantsiiasyndaǵy jelilik politsiia bólimine Qazaqstan stantsiiasynda er adamdy júk poiyzynyń qaǵyp ketkeni jóninde habar túsken.
«Temir jol boiynda jaraqat alǵan er adam aýrýhanaǵa jetkizildi. Atalǵan derek QR Qylmystyq kodeksi 344-baby 1-bóligi, iaǵni temirjol kóligi júrisi nemese ony paidalaný qaýipsizdigi qaǵidalaryn buzý boiynsha Oral stantsiiasy jelilik politsiia bóliminiń sotqa deiingi tergep-tekserýdiń biryńǵai tiziliminde tirkeldi. Qazirgi ýaqytta tergeý júrgizilýde. QR Qylmystyq is júrgizý kodeksiniń 201-baby talaptaryna sáikes tergeý múddesine orai basqa aqparat jariia etilmeidi», dep habarlady vedomstvodan.
