Batys Qazaqstan oblysynda jeltoqsan aiynda 50-den astam bala koronavirýs juqtyrǵan, dep habarlaidy "Ult aqparat".
Oblystyq Densaýlyq saqtaý basqarmasynyń baspasóz qyzmetinen málim etkenindei, qyrkúiek aiynan beri barlyǵy 178 baladan indet tabyldy.
Sonyń ishinde qyrkúiekte – 4, qazanda – 5, qarashada – 102, jeltoqsanda 53 balanyń aýyrǵany tirkeldi. Oǵan qosa, balabaqsha tárbielenýshisiniń 12-sinen – qarashada, 2-inen jeltoqsan aiynda kovid anyqtaldy. Olardyń barlyǵy koronavirýsty otbasy múshelerinen juqtyrǵan.
Oblysta indetke shaldyqqandardyń jalpy sany 8907-ge jetse, sonyń 7806-sy jazylyp shyqty. 160 adam kóz jumdy.
Sońǵy táýlikte - 40, bir aptada 262 adamnyń koronavirýs juqtyrǵany tirkeldi.
Qazirgi tańda pnevmoniiamen syrqattanǵan 116 adam statsionarda jatsa, 42-si ambýlatorlyq em alýda. Bul dertten 239 adam qaitty.
Kúni búgin invazivti emes jasandy tynys alý apparatyna - 3, jasandy tynys alý apparatyna - 1, ottegi kontsentratoryna - 4, ortalyqtandyrylǵan ottegi kózine 22 adam qosylǵan.
Juqpaly aýrýlar aýrýhanalarynda – 137, karantindik statsionarda 29 adam emdelýde. 13 adam jansaqtaý bóliminde jatyr.
