Qaztalov aýdany Qarasý aýylynda 1995 jylǵy A. degen áieldi zorlaǵan 1982 jylǵy J. degen turǵynǵa qatysty tergeý amaldary júrgizilýde, dep habarlaidy «QazAqparat».
Jalpaqtal politsiia bóliminiń bastyǵy, politsiia podpolkovnigi Saǵat Ǵabbasovtyń aitýynsha, oqiǵa 30 mamyr kúni saǵat túngi 23.00 shamasynda oryn alǵan. Araq ishken J. A-nyń úiine kiim alamyn dep kelip, onyń jalǵyz júrgenin kórip, aram oiyn iske asyrǵan. Bul kezde áieldiń eki jasar balasy jáne alty ailyq sábii úide bolǵan. Kúieýi jumys jasaimyn dep qalaǵa ketken. Onyń ústine kúdikti A-ǵa jaqyn qaiynaǵasy bolyp keledi.
«Qazirgi kezde kúdikti kinásin moiyndady. Oǵan qatysty QR QK 120-baby 1-bólimi boiynsha qylmystyq is qozǵaldy. Bul bap boiynsha zorlyqshy 3 jyldan 5 jylǵa deiin bas bostandyǵynan aiyrylýy múmkin. Is tergelip bitkennen keiin sotqa jiberiledi», - dedi «QazAqparat» tilshisine S. Ǵabbasov.
