Batys Qazaqstan oblysynda jalaqylaryn kóterýdi talap etken qyzmetkerler áli ereýildep jatyr, - dep habarlaidy Massaget.kz portaly "Moi GOROD" saityna silteme jasap.
Basylym málimetinshe, qyzmetkerler ózderiniń qoiǵan talaby oryndalmasa, beisenbige deiin turatynyn aitqan. Odan bólek, jumysshylar KKS-Sicim kompaniiasynyń direktory Italiiadan kelýin talap etip otyr.
Aita keteiik, jalaqylaryn 50 paiyzǵa kóterýdi talap etken kompaniia qyzmetkerleri 16 qańtarda tańǵy ýaqytta ereýilge shyqqan. "Moi GOROD"-tyń jazýynsha, olar joldy jaýyp, baza aimaǵyna avtokólikterdi kirgizbei jatyr.
"Biz saǵattyq mólsherlememen jumys isteimiz. Ol myń teńgeden aspaidy. Saǵatyna 850 teńgeden jumys isteitinder de bar. Ol az. On eki saǵat jumys istep, 220-250 myń alamyz. Ol aqshaǵa otbasymyzdy qalai asyraimyz?" - deidi ereýilge shyqqan qyzmetkerler.
Biraq kompaniia ókilderi qyzmetkerlerdiń jalaqysyn 50 paiyzǵa kóterý múmkin emes ekenin aitqan.
"Negizgi talap - jalaqyny 50 paiyzǵa kóterý. Bizde Bórli aýdany ákimdigi, eńbek inspektsiiasy departamenti jáne KKC-Sicim kompaniialary basshylyǵymen aldyn ala úshjaqty komissiia boldy. Sol kezde aqpanda jalaqyny indeksatsiiaǵa sáikes 20 paiyzǵa kóteretinimizdi aitqan bolatynbyz. Ony qyzmetkerlerge de habarlaǵan edik", - deidi joba menedjeri Roza Kagirova.
Eske salaiyq, keshe 16 qańtarda BQO-da qyzmetkerler jalaqysyn kóterýdi talap etip ereýilge shyqqany habarlanǵan bolatyn. Qyzmetkerler vahta rejimi boiynsha 28 kún jumys istep, 14 kún demalatynyn aitqan. Artynsha kompaniia basshylyǵy qyzmetkerlerdiń talabyn jartylai oryndaýǵa daiyn ekeni habarlandy. Iaǵni jalaqyny 20 paiyzǵa kóterýi múmkin. Alaida jumysshylar olardyń talaby tolyq oryndalmai, tarqamaitynyn jetkizgen.
"KKC-Sicim" JShS Bórli aýdany Pýgachevo aýylynda ornalasqan, onda 3000-ǵa jýyq adam jumys isteidi. "Moi GOROD" málimetinshe, kompaniiada jalaqy sońǵy ret 2022 jyldyń aqpan aiynda 8,5 paiyzǵa kóterilgen.
