Batys Qazaqstan oblysynda virýs juqtyrǵan adam týraly jalǵan aqparat taratqan er adam ustaldy, dep habarlaidy QazAqparat.
Áleýmettik jelide taraǵan video Aqsai qalasyndaǵy janar-jaǵar mai quiý stansasynda túsirilgen. Beinejazba avtory munda bir adamnan virýs anyqtalǵanyn jáne jedel járdemniń kelgenin aitady.
BQO politsiia departamentiniń resmi ókili Bolatbek Belgibekovtiń málimetinshe, video 18 naýryz kúni túsirilgen. Onyń avtory - Aqsai qalasynyń 32 jastaǵy turǵyny halyqtan keshirim surady.
«Rolik túsirip, onda kenish qyzmetkerleriniń biri virýs juqtyrǵany jóninde aitqanym úshin keshirim suraimyn. Bul - jalǵan. Anyq aqparatty tek resmi kózderden alýǵa bolady», dedi ol.
«Bul adamǵa osyndai áreketi úshin eskertý jasaldy. Sebebi ol tek virýs dep aitqan, aýzynan koronavirýs degen sóz shyqpaǵan. Oǵan qosa, istegen isine ókinip, jurtshylyqtan keshirim suraǵandyqtan, jaýapkershilikke tartylǵan joq», dedi B.Belgibekov.
Buǵan deiin habarlaǵanymyzdai, BQO-da Italiia, Ispaniia, Germaniiadan kelgen 16 adam karantinde jatyr.
Tótenshe jaǵdai kezinde oraldyq volonterler kópbalaly analarǵa maska men antiseptikter taratýda.
Alaida, qazirgi jaǵdaida meditsinalyq betperdelerge tapshylyqty paidalanyp, olardy qymbat baǵaǵa satqandar da anyqtalýda.
