Batys Qazaqstan oblysynda úsh jasar baladan koronavirýs tabylyp, balabaqsha karantinge jabyldy, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, Qaratóbe aýdanynda balabaqshaǵa baryp júrgen 3 jasar balaǵa josparly ota aldynda ótkizilgen meditsinalyq tekseris kezinde COVID-19 anyqtalǵan.
Úiinde jáne balabaqshada qarym-qatynasta bolǵan adamdardan synama alynýda.
Aýdandyq bas memlekettik sanitar dárigeriniń qaýlysyna sáikes balabaqsha karantinge jabyldy. Balabaqshada qorytyndy dezinfektsiia júrgizildi.
Oblysta indettiń óse túskeni baiqalady. Tek sońǵy táýlikte 13 adamnyń koronavirýs juqtyrǵany belgili bolyp, jalpy sany 7 037-ge jetti.
