Batys Qazaqstan oblysynda jol apatynan bir adam qaza tapty, - dep habarlaidy Tengrinews.kz tilshisi.
Er adam dene jaraqatymen aýrýhanaǵa túsken, alaida 10 saǵat ótkennen keiin qaitys boldy.
"15 sáýirde 03:54-te habar tústi. Kólik aýdarylyp, 1970 jylǵy er adam kóptegen jaraqat alyp, onyń ishinde miy jabyq túrde zaqymdalǵan. Ol Bórili aýdanyndaǵy aýrýhananyń statsionaryna jetkizilgen. Sol kúni 14.35-te ol aýrýhanada qaitys boldy", - dedi BQO densaýlyq saqtaý basqarmasynyń baspasóz qyzmetiniń ókili Ainagúl Saqbosynova.
Jol-kólik oqiǵasy Aqsaidan segiz shaqyrym jerde Araltal aýylynyń mańynda bolǵan.
"Ýralskaia nedelia" saitynyń málimetinshe, 15 sáýirde Oral - Aqsai tasjolynda, Araltal aýylynyń mańynda Lexus markaly avtomobil aýdarylyp ketken. Kýágerdiń basylymǵa jibergen sýretinen onyń toi kortejinde kele jatyp, joldan shyǵyp ketip, aýdarylǵanyn baiqaýǵa bolady. Jol-kólik oqiǵasy saldarynan bir adam zardap shekkeni habarlandy.
