Batys Qazaqstan oblysyna qarasty Qaratóbe aýdanyndaǵy Shóptikól mektebinde IT-synyp ashyldy. Bul týraly BQO ákimdiginiń baspasóz qyzmeti habarlady.
Jańa IT-synyp «Tsifrlyq Qazaqstan» memlekettik baǵdarlamasy aiasynda, Nur Otan partiiasynyń «Balalarǵa arnalǵan aqysyz IT-synyp» jobasy sheńberinde ashylyp otyr.
«IT-synypta 5-10 synyp oqýshylary bilim alady. Zamanaýi úlgide jabdyqtalǵan synypta bilim alýshylar aqparattyq tehnologiia salasyn meńgeredi. Onda Web saittar ashyp, robot qurastyrý jáne ony basqarý tásilderi úiretiledi», – delingen habarlamada.
Sonymen qatar IT daǵdylardy igerýshiler aqparattyq tehnologiia salasyndaǵy respýblikalyq, halyqaralyq baiqaýlarǵa qatysyp, ózderiniń tyń ideiasyn damytyp, júzege asyra alatyn bolady.
Qazirgi tańda Qaratóbe aýdanynda 3 IT-synyp bar. Buǵan deiin mundai synyptar Muhit atyndaǵy mektepte jáne Qaratóbe gimnaziiasynda ashylǵan bolatyn. Josparǵa sáikes, bolashaqta oblystaǵy basqa da bilim oshaqtarynda baǵdarlamalaý men robototehnikany úiretetin synyptar ashylady. Máselen, 2019 jyly BQO boiynsha Oral qalasynda 30, aýdandarda 20, jalpy sany 50 IT-synyp ashý josparlanǵan. Ótken jyly oblystyq biýdjet esebinen 15 synyp jabdyqtalǵan bolatyn.
Aita ketsek, aldaǵy ýaqytta elimiz boiynsha 1000 IT-synyp ashylady dep kútilýde. Sonymen qatar jyl saiyn 150 myń balany baǵdarlamalaý men robot tehnikasynyń negizderi boiynsha Eýropalyq bilim berý standarty boiynsha oqytý kózdelgen. Buǵan qosa, aldaǵy 3 jyl ishinde JOO-da 20 IT-ortalyq ashylyp, onda jylyna 35 myń stýdent bilim alatyn bolady. Ortalyqta álemdik deńgeide suranysqa ie tsifrlyq tásilder men baǵdarlamalaý túrleri oqytylady.
Eske salaiyq, «Tsifrlyq Qazaqstan» memlekettik baǵdarlamasynyń tórtinshi baǵyty boiynsha IT-mamandardy daiarlaý mindeti júktelgen edi.
