باتىس قازاقستان وبلىسىنا قاراستى قاراتٶبە اۋدانىنداعى شٶپتٸكٶل مەكتەبٸندە IT-سىنىپ اشىلدى. بۇل تۋرالى بقو ەكٸمدٸگٸنٸڭ باسپاسٶز قىزمەتٸ حابارلادى.
جاڭا IT-سىنىپ «تسيفرلىق قازاقستان» مەملەكەتتٸك باعدارلاماسى اياسىندا, نۇر وتان پارتيياسىنىڭ «بالالارعا ارنالعان اقىسىز IT-سىنىپ» جوباسى شەڭبەرٸندە اشىلىپ وتىر.
«IT-سىنىپتا 5-10 سىنىپ وقۋشىلارى بٸلٸم الادى. زاماناۋي ٷلگٸدە جابدىقتالعان سىنىپتا بٸلٸم الۋشىلار اقپاراتتىق تەحنولوگييا سالاسىن مەڭگەرەدٸ. وندا Web سايتتار اشىپ, روبوت قۇراستىرۋ جەنە ونى باسقارۋ تەسٸلدەرٸ ٷيرەتٸلەدٸ», – دەلٸنگەن حابارلامادا.
سونىمەن قاتار IT داعدىلاردى يگەرۋشٸلەر اقپاراتتىق تەحنولوگييا سالاسىنداعى رەسپۋبليكالىق, حالىقارالىق بايقاۋلارعا قاتىسىپ, ٶزدەرٸنٸڭ تىڭ يدەياسىن دامىتىپ, جٷزەگە اسىرا الاتىن بولادى.
قازٸرگٸ تاڭدا قاراتٶبە اۋدانىندا 3 IT-سىنىپ بار. بۇعان دەيٸن مۇنداي سىنىپتار مۇحيت اتىنداعى مەكتەپتە جەنە قاراتٶبە گيمنازيياسىندا اشىلعان بولاتىن. جوسپارعا سەيكەس, بولاشاقتا وبلىستاعى باسقا دا بٸلٸم وشاقتارىندا باعدارلامالاۋ مەن روبوتوتەحنيكانى ٷيرەتەتٸن سىنىپتار اشىلادى. مەسەلەن, 2019 جىلى بقو بويىنشا ورال قالاسىندا 30, اۋدانداردا 20, جالپى سانى 50 IT-سىنىپ اشۋ جوسپارلانعان. ٶتكەن جىلى وبلىستىق بيۋدجەت ەسەبٸنەن 15 سىنىپ جابدىقتالعان بولاتىن.
ايتا كەتسەك, الداعى ۋاقىتتا ەلٸمٸز بويىنشا 1000 IT-سىنىپ اشىلادى دەپ كٷتٸلۋدە. سونىمەن قاتار جىل سايىن 150 مىڭ بالانى باعدارلامالاۋ مەن روبوت تەحنيكاسىنىڭ نەگٸزدەرٸ بويىنشا ەۋروپالىق بٸلٸم بەرۋ ستاندارتى بويىنشا وقىتۋ كٶزدەلگەن. بۇعان قوسا, الداعى 3 جىل ٸشٸندە جوو-دا 20 IT-ورتالىق اشىلىپ, وندا جىلىنا 35 مىڭ ستۋدەنت بٸلٸم الاتىن بولادى. ورتالىقتا ەلەمدٸك دەڭگەيدە سۇرانىسقا يە تسيفرلىق تەسٸلدەر مەن باعدارلامالاۋ تٷرلەرٸ وقىتىلادى.
ەسكە سالايىق, «تسيفرلىق قازاقستان» مەملەكەتتٸك باعدارلاماسىنىڭ تٶرتٸنشٸ باعىتى بويىنشا IT-مامانداردى دايارلاۋ مٸندەتٸ جٷكتەلگەن ەدٸ.
