Batys Qazaqstan oblysynda osy kezge deiin 12577 adam indet juqtyrsa, sonyń 10099-y jazylyp shyqty, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń baspasóz qyzmeti málim etkenindei, sońǵy tórt kúnde (18-21 aqpan) oblysta 248 adamnan koronavirýs tabyldy.
Sonyń ishinde JRVI belgilerimen tekserilgen 113, buryn aýyrǵandarmen qarym-qatynasta bolǵan 93, profilaktikalyq maqsatta qaralǵan 30, statsionarǵa jatqyzar aldynda synama alynǵan 12 adamnan indet anyqtaldy.
Sońǵy tórt kúnde syrqattanǵandardyń 139-y Oral qalasynyń úlesine tiedi. Sondai-aq Shyńǵyrlaý aýdanynda 29, Báiterekte 28, Terektide 18, Bórlide 17 adamnan koronavirýs shyqty.
Indet bastalǵannan beri oblys ortalyǵynda 7082, Bórli aýdanynda 1346, Báiterekte 1324, Aqjaiyqta 516, Terektide 502 adamnyń aýyrǵany tirkeldi.
Óńir «sary» aimaqta turǵanymen, epidemiologiialyq ahýal áli de turaqsyz bolyp otyr.
