Karantin talaptaryn saqtamaiynsha, shekteý sharalaryn jeńildetý múmkin emes. Bul týraly oblys ákimi Ǵali Esqaliev óńir turǵyndaryna arnaǵan úndeýinde málim etti, dep habarlaidy "Ult aqparat".
Ákimniń málim etkenindei, tótenshe jaǵdai kezinde oblysta koronavirýstyń aldyn alý jáne ony taratpaý boiynsha aýqymdy jumystar júrgizildi.
Aimaqta karantin rejimi saqtalǵanymen, keibir azamattar óz qaýipsizdiginiń qarapaiym talaptaryn saqtamai júr. Sonyń saldarynan 11-25 mamyr aralyǵynda oblysta COVID-19 aýrýyn juqtyrý 70%-ǵa ósti. 26 mamyrda oblys boiynsha juqtyrǵandar sany 467-ge jetti.
Eger buryn aýrýdyń ósimi Resei Federatsiiasy men Atyraý oblysynan kelgen adamdar esebinen bolǵan bolsa, búginde indettiń oblys ishinde ósimi baiqalady.
Sonymen qatar Oral qalasy men aýdandarda karantindik rejim talaptary saqtalmai otyr. Birinshi kezekte turǵyndar maska kiiý, áleýmettik qashyqtyqty saqtaý siiaqty qarapaiym talaptardy oryndamai júr.
Bir-birine qonaqqa barý siiaqty quqyqbuzýshylyq faktileri de bar. Sonyń kesirinen oblystyń segiz birdei aýdanynda 37 aýrý oshaǵy paida boldy.
Búgingi tańda aimaqta aýrý juqtyrǵan adamdardy anyqtaý úshin jappai arnaiy testileý ótkizilýde. Kúnine ortasha eseppen 600-700 adam test tapsyrýda. Olardyń arasynda infektsiiany juqtyrǵandar da kezdesedi.
Bul - infektsiianyń oblys aýmaǵynda keń aýqymda taraǵanynyń belgisi. Kóbinde adamdarda koronavirýs juqpasy aiqyn aýrý belgilerisiz ótýde.
Aýrýdyń aiqyn belgileri bolmaýynyń qaýiptiligi - juqtyrǵan adam - infektsiia kózi bolyp tabylady. Infektsiia juqtyrǵan adam aýrý týraly bilmei, basqalarǵa juqtyrýy múmkin. Buryn tek jasy úlken adamdar ǵana infektsiia juqtyrý qaýpi joǵary degen qate túsinik qalyptasqan edi. Bul teris pikir. Búginde atalǵan aýrý jas tańdamaitynyna kóz jetip otyr.
Búgingi tańda oblysta tirkelgen 467 naýqastyń 21-i on tórt jasqa deiingi balalar bolsa, al qalǵan basym bóligi - 50 jasqa deiingi azamattar. Sondyqtan jasy men densaýlyǵyna qaramastan bul aýrýdan tónetin qaýip barlyǵyna birdei.
Keibir azamattar koronavirýs bar ekenine senbei júr. Bul múldem durys emes. Virýstyń qaýiptiligi - onyń keibir adam aǵzasyna óte tez áser etýinde. Mysaly, Teńiz keń ornynda qyzmet etken azamat 2 kúnniń ishinde reanimatsiiaǵa tústi. Dárigerler eńbeginiń arqasynda ol ólim aýyzynan qutqaryldy.
Sondyqtan koronavirýstyq infektsiianyń belgileri anyqtalsa, tez arada jedel járdemge habarlasý qajet. Ózdiginen emdelýge bolmaidy.
«Virýstyń kóbeiýine bailanysty biz kóptegen biznes nysandardy, balabaqshalardy, basqa da oiyn-saýyq oryndaryn asha almai otyrmyz. Sonyń saldarynan myńdaǵan otbasy nesielerin tólei almai, taýarlaryn sata almai, shyǵynǵa batyp otyr. Biz olarǵa tezirek jumysqa oralýyna, eńbek etýine jáne otbasylaryn asyraýǵa múmkindik berýimiz kerek.
Karantin rejimin jeńildetý týraly sheshim qabyldaý úshin bir ǵana nárse qajet - qaýipsizdik talaptaryn saqtaý. Bul qiyn emes. Basty maqsat - kóp adam shoǵyrlanǵan jerlerge barmai, talaptardy qatań saqtaý. Maskalar men antiseptikter satylymda jetkilikti.
Osy jaǵdailardy eskere otyryp, oblys ákimi jáne jedel shtab basshysy retinde, aimaqta karantin talaptary tiisti túrde saqtalmasa, rejimdi qatańdatýǵa májbúr bolatynymyzdy aitqym keledi. Bizdiń ortaq maqsatymyz - infektsiiadan birjolata tolyqtai qutylý.
Sondyqtan taǵy da barlyq oblys turǵyndaryn sanitarlyq talaptardy saqtaýǵa shaqyramyn», dedi óńir basshysy.
