كارانتين تالاپتارىن ساقتامايىنشا, شەكتەۋ شارالارىن جەڭٸلدەتۋ مٷمكٸن ەمەس. بۇل تۋرالى وبلىس ەكٸمٸ عالي ەسقاليەۆ ٶڭٸر تۇرعىندارىنا ارناعان ٷندەۋٸندە مەلٸم ەتتٸ, دەپ حابارلايدى "ۇلت اقپارات".
ەكٸمنٸڭ مەلٸم ەتكەنٸندەي, تٶتەنشە جاعداي كەزٸندە وبلىستا كوروناۆيرۋستىڭ الدىن الۋ جەنە ونى تاراتپاۋ بويىنشا اۋقىمدى جۇمىستار جٷرگٸزٸلدٸ.
ايماقتا كارانتين رەجيمٸ ساقتالعانىمەن, كەيبٸر ازاماتتار ٶز قاۋٸپسٸزدٸگٸنٸڭ قاراپايىم تالاپتارىن ساقتاماي جٷر. سونىڭ سالدارىنان 11-25 مامىر ارالىعىندا وبلىستا COVID-19 اۋرۋىن جۇقتىرۋ 70%-عا ٶستٸ. 26 مامىردا وبلىس بويىنشا جۇقتىرعاندار سانى 467-گە جەتتٸ.
ەگەر بۇرىن اۋرۋدىڭ ٶسٸمٸ رەسەي فەدەراتسيياسى مەن اتىراۋ وبلىسىنان كەلگەن ادامدار ەسەبٸنەن بولعان بولسا, بٷگٸندە ٸندەتتٸڭ وبلىس ٸشٸندە ٶسٸمٸ بايقالادى.
سونىمەن قاتار ورال قالاسى مەن اۋدانداردا كارانتيندٸك رەجيم تالاپتارى ساقتالماي وتىر. بٸرٸنشٸ كەزەكتە تۇرعىندار ماسكا كييۋ, ەلەۋمەتتٸك قاشىقتىقتى ساقتاۋ سيياقتى قاراپايىم تالاپتاردى ورىنداماي جٷر.
بٸر-بٸرٸنە قوناققا بارۋ سيياقتى قۇقىقبۇزۋشىلىق فاكتٸلەرٸ دە بار. سونىڭ كەسٸرٸنەن وبلىستىڭ سەگٸز بٸردەي اۋدانىندا 37 اۋرۋ وشاعى پايدا بولدى.
بٷگٸنگٸ تاڭدا ايماقتا اۋرۋ جۇقتىرعان ادامداردى انىقتاۋ ٷشٸن جاپپاي ارنايى تەستٸلەۋ ٶتكٸزٸلۋدە. كٷنٸنە ورتاشا ەسەپپەن 600-700 ادام تەست تاپسىرۋدا. ولاردىڭ اراسىندا ينفەكتسييانى جۇقتىرعاندار دا كەزدەسەدٸ.
بۇل - ينفەكتسييانىڭ وبلىس اۋماعىندا كەڭ اۋقىمدا تاراعانىنىڭ بەلگٸسٸ. كٶبٸندە ادامداردا كوروناۆيرۋس جۇقپاسى ايقىن اۋرۋ بەلگٸلەرٸسٸز ٶتۋدە.
اۋرۋدىڭ ايقىن بەلگٸلەرٸ بولماۋىنىڭ قاۋٸپتٸلٸگٸ - جۇقتىرعان ادام - ينفەكتسييا كٶزٸ بولىپ تابىلادى. ينفەكتسييا جۇقتىرعان ادام اۋرۋ تۋرالى بٸلمەي, باسقالارعا جۇقتىرۋى مٷمكٸن. بۇرىن تەك جاسى ٷلكەن ادامدار عانا ينفەكتسييا جۇقتىرۋ قاۋپٸ جوعارى دەگەن قاتە تٷسٸنٸك قالىپتاسقان ەدٸ. بۇل تەرٸس پٸكٸر. بٷگٸندە اتالعان اۋرۋ جاس تاڭدامايتىنىنا كٶز جەتٸپ وتىر.
بٷگٸنگٸ تاڭدا وبلىستا تٸركەلگەن 467 ناۋقاستىڭ 21-ٸ ون تٶرت جاسقا دەيٸنگٸ بالالار بولسا, ال قالعان باسىم بٶلٸگٸ - 50 جاسقا دەيٸنگٸ ازاماتتار. سوندىقتان جاسى مەن دەنساۋلىعىنا قاراماستان بۇل اۋرۋدان تٶنەتٸن قاۋٸپ بارلىعىنا بٸردەي.
كەيبٸر ازاماتتار كوروناۆيرۋس بار ەكەنٸنە سەنبەي جٷر. بۇل مٷلدەم دۇرىس ەمەس. ۆيرۋستىڭ قاۋٸپتٸلٸگٸ - ونىڭ كەيبٸر ادام اعزاسىنا ٶتە تەز ەسەر ەتۋٸندە. مىسالى, تەڭٸز كەڭ ورنىندا قىزمەت ەتكەن ازامات 2 كٷننٸڭ ٸشٸندە رەانيماتسيياعا تٷستٸ. دەرٸگەرلەر ەڭبەگٸنٸڭ ارقاسىندا ول ٶلٸم اۋىزىنان قۇتقارىلدى.
سوندىقتان كوروناۆيرۋستىق ينفەكتسييانىڭ بەلگٸلەرٸ انىقتالسا, تەز ارادا جەدەل جەردەمگە حابارلاسۋ قاجەت. ٶزدٸگٸنەن ەمدەلۋگە بولمايدى.
«ۆيرۋستىڭ كٶبەيۋٸنە بايلانىستى بٸز كٶپتەگەن بيزنەس نىسانداردى, بالاباقشالاردى, باسقا دا ويىن-ساۋىق ورىندارىن اشا الماي وتىرمىز. سونىڭ سالدارىنان مىڭداعان وتباسى نەسيەلەرٸن تٶلەي الماي, تاۋارلارىن ساتا الماي, شىعىنعا باتىپ وتىر. بٸز ولارعا تەزٸرەك جۇمىسقا ورالۋىنا, ەڭبەك ەتۋٸنە جەنە وتباسىلارىن اسىراۋعا مٷمكٸندٸك بەرۋٸمٸز كەرەك.
كارانتين رەجيمٸن جەڭٸلدەتۋ تۋرالى شەشٸم قابىلداۋ ٷشٸن بٸر عانا نەرسە قاجەت - قاۋٸپسٸزدٸك تالاپتارىن ساقتاۋ. بۇل قيىن ەمەس. باستى ماقسات - كٶپ ادام شوعىرلانعان جەرلەرگە بارماي, تالاپتاردى قاتاڭ ساقتاۋ. ماسكالار مەن انتيسەپتيكتەر ساتىلىمدا جەتكٸلٸكتٸ.
وسى جاعدايلاردى ەسكەرە وتىرىپ, وبلىس ەكٸمٸ جەنە جەدەل شتاب باسشىسى رەتٸندە, ايماقتا كارانتين تالاپتارى تيٸستٸ تٷردە ساقتالماسا, رەجيمدٸ قاتاڭداتۋعا مەجبٷر بولاتىنىمىزدى ايتقىم كەلەدٸ. بٸزدٸڭ ورتاق ماقساتىمىز - ينفەكتسييادان بٸرجولاتا تولىقتاي قۇتىلۋ.
سوندىقتان تاعى دا بارلىق وبلىس تۇرعىندارىن سانيتارلىق تالاپتاردى ساقتاۋعا شاقىرامىن», دەدٸ ٶڭٸر باسشىسى.
