Batys Qazaqstan oblysynda Memlekettik kirister departamentiniń qyzmetkeri 40 million teńge para aldy degen kúdikke ilindi, - dep habarlaidy Tengrinews.kz tilshisi "Habar 24" telearnasyna silteme jasap.
Aýdit bóliminiń bas mamany salyq tóleýden jaltarý derekterin ekonomikalyq tergeý departamentine joldamai, jasyryp qalǵan. Osy áreketi úshin kináli taraptan qomaqty syiaqy alǵany anyqtalyp otyr.
Bul týraly oblystyq prokýratýra málimdedi.
Qadaǵalaýshy organ paraqorlyqqa qatysty tergeý amaldaryn aiaqtap, tiisti materialdardy sotqa joldaǵan.
Kúdikti para kóleminiń 80 eselengen mólsherinde aiyppul arqalaýy nemese 10 jyldan 15 jylǵa deiin bas bostandyǵynan aiyrylýy múmkin.
"BQO prokýratýrasy oblys boiynsha Memlekettik kirister departamenti Aýdit basqarmasynyń aýdit bóliminiń bas mamanyna qatysty QR QK-niń 24-baby 3-bóligi, 366-baby 4-bóligi boiynsha qylmystyq quqyq buzýshylyq jasady degen kúdikpen aiyptaý aktisi jasaldy", - dedi oblys prokýrorynyń aǵa kómekshisi Ásel Berqalieva.
