«Stop-trafik» jedel aldyn alý is-sharasynyń aiasynda jańa týǵan sábiin erli-zaiyptylarǵa zańsyz bergen áieldiń ústinen tergeý bastaldy, habarlaidy QazAqparat.
Ishki ister ministrligi Kriminaldyq politsiia departamenti bastyǵynyń orynbasary Qanat Nurmaǵambetov vedomstvonyń aqparat alańynda osyndai aqparat aitty.
«Stop-trafik» jedel aldyn alý is-sharasynyń aiasynda adamdy jumysqa salý úshin bas bostandyǵynan zańsyz aiyrýdyń 1 faktisi, 3 adam satý faktisi, kámeletke tolmaǵandardy satýdyń 7 faktisi belgili boldy. Jezókshelikke tartýdyń 16 faktisi áshkerelendi. Onyń ishinde kámeletke tolmaǵandardy osyndai iske tartýdyń 3 oqiǵasy tirkeldi. Jezókshelikpen ainalysý jáne jeńgetailyq qyzmet uiymdastyrýdyń 47 faktisi belgili boldy. Budan bólek józekshelikpen jáne jeńgetailyqpen ainalysatynyn bile turyp, ǵimarat usyný boiynsha 22 ákimshilik quqyq buzý faktisi tirkeldi», - dedi IIM ókili.
Onyń aitýynsha, qoǵamdyq orynda tiisý faktisi boiynsha 400-den astam ákimshilik qaýly toltyrylǵan.
«Batys Qazaqstan oblysynda politsiia qyzmetkerleri 27 jastaǵy áieldiń tamyz aiynda jańa týǵan nárestesin kelisim boiynsha erli-zaiyptylarǵa asyraý úshin bergenin anyqtady. Bul oqiǵa boiynsha sotqa deiingi tergep-tekserý bastaldy. Tergeý jáne jedel is-sharalar júrgizilip jatyr», - dedi Qanat Nurmaǵambetov.
