Batys Qazaqstan oblysynda Reseiden kelgen túrkistandyq stýdentten koronavirýs tabyldy, dep habarlaidy "Ult aqparat".
BQO ákimdigi málim etkenindei, Túrkistan oblysynyń 21 jastaǵy turǵyny Samara ýniversitetinde oqidy.
Reseimen shektesetin «Syrym» avtoótkelinen ótken kezde densaýlyǵyna shaǵymy bolmaǵanmen, algoritmge sáikes jedel járdemmen karantindik statsionarǵa jetkizilgen.
Taǵy bir naýqas – Teńiz ken ornynda jumys isteitin Batys Qazaqstan oblysynyń 54 jastaǵy turǵyny. Kórshi Atyraý oblysynan kelýine bailanysty karantindik statsionarǵa jatqyzylyp, test qorytyndysy teris nátije kórsetýine bailanysty úiinde oqshaýlanǵan. Dene qyzýy kóterilgennen keiin meditsina qyzmetkerleri qarap, zerthanalyq synama alynǵan.
Koronavirýs anyqtalǵan qalǵan jeti naýqas – meditsina qyzmetkerleri. Olar buryn aýrý juqtyrǵan adamdarmen qarym-qatynasta bolǵan.
PTR diagnostikalyq zertteý qorytyndysymen barlyǵynda COVID-19 diagnozy rastalǵannan keiin oblystyq juqpaly aýrýlar aýrýhanasyna ornalastyryldy.
Naýqastarmen qarym-qatynasta bolǵandar meditsinalyq baqylaýǵa alynyp, aýrý oshaqtarynda dezinfektsiialyq jumystar júrgizildi.
Osylaisha BQO-da aýyrǵandar sany 288-ge jetip, sonyń 133-i emdelip shyqty.
