Batys Qazaqstan oblysynda politseiler «sary qyzdyń» elesine bailanysty aqparatty tekseretin bolady, dep habarlaidy "Ult aqparat".
BQO politsiia departamentiniń resmi ókili Bolatbek Belgibekov málim etkendei, bul jóninde oblystyq departament bastyǵynyń mindetin atqarýshy Janbolat Janshin Qaratóbe aýdany jergilikti politsiia qyzmetine arnaiy tapsyrma bergen.
Hankól aýyly mańynda «sary qyzdy kórdik» degen kýágerler anyqtalyp, olardan jaýap alynady. Sondai-aq áleýmettik jelide taralyp ketken beinejazbanyń shyndyqqa sáikestigi saralanatyn bolady.
«Turǵyndardan máseleniń baiybyna barmastan, kúmándi aqparattardy taratpaý suralady. Kórineý jalǵan aqparat taratqany úshin QR QK 274-babyna sáikes qylmystyq jaýapkershilik qarastyrylǵanyn eske salamyz», dedi QazAqparat tilshisine B.Belgibekov.
