Batys Qazaqstan oblysynda meditsina qyzmetkerlerin koronavirýsqa qarsy ekinshi qaitara egý bastaldy, dep habarlaidy BQO densaýlyq saqtaý basqarmasy.
Basqarma basshysy mindetin atqarýshy Arman Qalibekovtiń málim etkenindei, óńirge 1 myń doza vaktsina ákelindi.
Onyń aitýynsha, 1 aqpannan bastap egilgen meditsina qyzmetkerleri ekinshi ret ekpe alatyn bolady. Olardyń qatarynda juqpaly aýrýlar statsionarlary, aýrýhanalardyń qabyldaý jáne jansaqtaý bólimsheleri jáne jedel járdem stansasynyń qyzmetkerleri bar. Arman Talǵatulynyń sózine qaraǵanda, alǵashqy kezeńde ózin álsiz sezingen, qyzýy bar adamdar egilgen joq. Al ekpeden ótkender arasynda asqyný bolǵan joq.
«Oblysta meditsina qyzmetkerlerin ekpemen barynsha qamtý kózdelýde. Ótken jyly olardyń arasynda koronavirýspen aýyrǵandar az bolǵan joq. Aýyr túrimen aýyrǵandar jarty jyldan keiin, jeńil syrqattanǵandar bir-eki aidan soń egile alady. Jýyrda taǵy 1250 doza vaktsina jetkizilmekshi. Naýryz aiynda meditsina qyzmetkerlerine qosa pedagogtar da egile bastaidy», dedi A.Qalibekov.
Eske sala keteiik, budan buryn Batys Qazaqstanda 1 myń adamǵa ekpe salynǵanyn, sońǵy tórt kúnde 248 adamnan koronavirýs anyqtalǵanyn jazǵan bolatynbyz.
