Foto: Polisia.kz
BQO-da eki jasóspirim qart adamdy tonap ketti. Kúdiktilerdiń biri jábirlenýshiniń nemeresi bolyp shyqty, – dep jazady Polisia.kz portaly.
Qarashanyń 16-sy saǵat 21:40-ta Báiterek aýdany Priýral politsiia bóliminiń kezekshisine úreii ushqan áiel qońyraý shalyp, belgisiz bireýler onyń ákesine shabýyl jasap, qaltasyndaǵy aqshasyn urlap ketkenin habarlaǵan.
"Oqiǵa ornyna dereý jedel-tergeý toby men ýchaskelik politsiia inspektory jiberildi. Dabyl boiynsha politsiia bóliminiń barlyq jeke quramy jumyldyryldy. Oqiǵa ornyna bara jatqan jolda ýchaskelik politsiia inspektory eki jigitti baiqaidy, jigitter de politseidiń olarǵa qarai bet alǵanyn baiqap, qashyp ketedi. Alaida politsiia qyzmetkeri bireýin tanyp úlgeredi.
Oqiǵa ornyna jetken politseiler tekserý jumystaryn júrgizý barysynda belgisiz eki jigittiń egde jastaǵy erli-zaiyptylar turatyn úige kirip, er adamǵa dene jaraqatyn salyp, ony tonap, 190 myń teńge kólemindegi aqshasyn urlap ketkenin anyqtady", - delingen habarlamada.
Jedel-izdestirý is-sharalary nátijesinde politsiia qyzmetkerleri 18 jáne 17 jastaǵy eki jigitti Dariian aýylynda qolǵa túsirgen.
"Onyń biri jábirlenýshiniń nemeresi bolyp shyqty. Jaýap alý kezinde tonaýǵa barǵan eki jigit sol kúni Oral qalasynan Dariian aýylyna qaityp kele jatqan jolda biri-birimen kezdesip, jábirlenýshiniń nemeresi qyzǵa syilyq satyp alý josparyn dosymen bóliskenin jáne buǵan dosy da kelise ketkenin jetkizdi.
Aýylǵa jetken jigitter kúdiktiniń atasy men ájesi turatyn úige qarai bet alady. Nemeresi ájesiniń sol ýaqytta jumysqa ketetinin aldyn ala bilgen. Áieldiń jumysqa ketkenin kútken nemeresi úige tereze arqyly enip, dosynyń syrtta qalýyn ótinedi. Úige kirgen ol aqsha izdei bastaidy, alaida atasy bólmege kirip, shkafqa tyǵylyp úlgeredi. Kenet atasy bireýdiń júrgenin baiqap, sóilei bastaidy. Osy kezde nemeresi telefon arqyly dosynan ishke kirýin suraidy. Júgirip syrtqa shyqqan atasynyń basyna súlgini laqtyrady, jerge jyǵyp qulatyp, qaltasyndaǵy aqshany alyp, oqiǵa ornynan boi tasalaidy", - delingen media-portal málimetinde.
Olardy ustaý kezinde biriniń, iaǵni 18 jastaǵy kúdiktiniń qaltasynan tapansha jáne jinalmaly pyshaq, al 17 jastaǵy nemeresinen urlanǵan aqsha tabylyp, tárkilengen.
Qazirgi ýaqytta kúdiktiler Báiterek aýdandyq politsiia bóliminiń ýaqytsha ustaý izoliatoryna qamaýǵa alyndy.
QR QK-niń 192-baby 3-bóligi (Qaraqshylyq) boiynsha sotqa deiingi tergeý amaldary bastaldy.
