Batys Qazaqstan oblysynda qalyńdyq alyp qashqandar avtokólikpen jylqyǵa soǵylyp, 4 adam jansaqtaý bólimine tústi, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa 30 tamyz kúni Bórli aýdanynda boldy.
Shamamen saǵat 22.30-da Pýgachev aýyly mańynda Bórli-Aqsai-Jympity jolynyń 27-shaqyrymynda 1999 jylǵy júrgizýshi «Lada Priora» avtokóligimen 3 jylqyǵa soqtyǵysýǵa jol berdi.
Zardap shegýshiniń sózine qaraǵanda, olar qyz alyp qashyp, Oraldan Aqsai qalasyna bara jatqan.
Jol apaty saldarynan 5 adam zardap shekti. Sonyń ishinde tórteýi jansaqtaý bólimine, bireýi hirýrgiialyq bólimshege jatqyzyldy.
BQO densaýlyq saqtaý basqarmasynyń baspasóz hatshysy Ainagúl Saqposynovanyń naqtylaýynsha, jol apatynan zardap shekken eki avtokólikte 11 adam bolǵan. 2001, 2002 jáne 2003 jylǵy qyzdar, sondai-aq 2003 jylǵy jigit jabyq bas-mi jaraqatyn alyp, milary shaiqalǵan, deneleri kógergen. Tórteýi de jansaqtaý bóliminde. Jabyq bas-mi jaraqatyn alyp, miy shaiqalǵan, oǵan qosa moiyn bóligi synǵan 1999 jylǵy jigit hirýrgiialyq bólimde. Deneleri kógergen 1999, 2000, 2002 jáne 2003 jylǵy eki jigit ambýlatorlyq em alýǵa jiberildi. 2000 jylǵy jigit dárigerge qaralýdan bas tartty.
