Batys Qazaqstan oblysynyń shekarashylary júksalǵyshyna 219 kiiktiń jańa kesilgen múiizin alyp bara jatqandardy ustady, dep habarlaidy "Ult aqparat".
Oqiǵa 2021 jyldyń 20 aqpanynda bolǵan. Batys Qazaqstan oblysy boiynsha Ulttyq qaýipsizdik komiteti Shekara qyzmeti departamentiniń áskeri qyzmetshileri BQO boiynsha Ekonomikalyq qylmystardy tergeý departamenti jáne oblystyq PD Kriminaldy politsiia basqarmasymen birlesip, júksalǵyshyna 219 kiiktiń jańa kesilgen múiizderi tielgen jeńil avtokólikti ustady, dep habarlaidy QazAqparat vedomstvonyń baspasóz qyzmetine silteme jasap.
Ustalǵan azamat kóliktegi júgimen birge Oral qalalyq politsiia basqarmasynyń Zachagan politsiia bólimine tapsyryldy.
Tasymaldaýshy Qazaqstan azamatyna qatysty QR Zańy QK-niń 339-baby (Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) boiynsha qylmystyq is qozǵaldy.
Aldyn ala esep boiynsha keltirilgen shyǵyn 17440000 teńgeni quraidy.
