Batys Qazaqstan oblysynda qojalyq basshysy úsh adamdy quldyqta ustap, malyn baqtyryp qoiǵan, dep habarlaidy "Ult aqparat".
BQO politsiia departamentiniń baspasóz qyzmeti málim etkendei, atalǵan oqiǵa «Stop trafik» jedel aldyn alý sharasy barysynda anyqtalǵan.
Jańaqala aýdanynda H. degen 48 jastaǵy qojalyq basshysy 28, 37 jáne 41 jastaǵy úsh er adamdy qorqytyp, «Maidan» qystaǵynda on kún boiy zańsyz ustaǵan. 30 qazan men 10 qarasha aralyǵynda malyn baqtyryp, jumysyn jasatqan.
Bulardyń úsheýi de – oblys turǵyndary.
Qazirgi kezde QR QK 126-baby 2-bóligine (bas bostandyǵynan zańsyz aiyrý) sáikes sotqa deiingi tergeý amaldary júrgizilýde.
