Batys Qazaqstan oblysynda koronavirýsqa shaldyqqan 4 naýqastyń jaǵdaiy aýyr, dep habarlaidy "Ult aqparat".
Oblystyq juqpaly aýrýlar aýrýhanasynyń direktory Nadiia Ahmetovanyń aitýynsha, 56 adam - jeńil, 29 adamnyń jaǵdaiy - ortasha halde.
Al 67 adamnyń aýrýy baiqalmai ótýde. Aýrýhanada barlyǵy 156 adam em alyp jatyr.
Kúni búginge deiin óńirde 173 adam jazylyp shyqty.
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti málim etkenindei, qazirgi tańda sondai-aq 3 adam provizorlyq, 126 adam karantindik statsionarda jatyr. Úilerinde oqshaýlanǵan 1634 adamdy meditsina qyzmetkerleri baqylaýda.
Oblys boiynsha koronavirýs juqtyrǵan 329 adam tirkelse, sonyń 239-y – syrttan kelgender. Sonyń ishinde 171-i – Reseiden, 67-si – Atyraý oblysyndaǵy Teńiz ken ornynan jáne bireýi Germaniiadan kelgen.
Bul jerde aita ketý kerek, osy kezge deiin Teńiz kenishinde jumys isteitin 2570 turǵyn oralǵan. Solardyń arasynan alǵashqy test qorytyndysy teris nátije kórsetkender de baqylanady. Sebebi úilerinde oqshaýlanǵannan keiin jeti-segiz kúndei ótken soń aýrý belgileri baiqalyp, aýrýhanaǵa jatqyzylyp jatqandar da bar.
Sondai-aq 90 naýqas buryn koronavirýs juqtyrǵandarmen qarym-qatynasta bolsa, sonyń 64-i – meditsina qyzmetkerleri.
Departament mamandary óńirde koronavirýs juqtyrý qaýpi áli de seiilmegendigin, sondyqtan turǵyndar kóshede júrgende, kópshilik oryndarǵa barǵanda, araqashyqtyqty saqtap, jeke qorǵanys quraldaryn paidalaný kerektigin jetkizdi.
