Batys Qazaqstan oblysynda koronavirýs juqtyrý deńgeii ótken jyldyń sharyqtaý shegine jaqyndady. Bul týraly oblys ákimi Ǵali Esqalievtiń tóraǵalyq etýimen ótken jedel shtab otyrysynda málim etildi, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń basshysy Muhamǵali Aryspaevtyń aitýynsha, tek sońǵy táýlikte 97 adamnyń indet juqtyrǵany belgili boldy.
Onyń sózine qaraǵanda, qańtar aiynda aýyrǵandar sany 1269-ǵa jetse, sonyń ishinde Oral qalasy (637) kósh bastap tur. Sondai-aq Báiterek (251), Bórli (193), Aqjaiyq (74), Jánibek (42), Terekti (39), Shyńǵyrlaý (38), Tasqala (35) aýdandarynda indet kóbeiip barady.
Syrqattanǵandardyń 42,7 paiyzy jumys isteitin turǵyndar bolsa, 20,4 paiyzy – zeinetkerler.
Oblystyq bilim basqarmasynyń málimeti boiynsha mektepterde 11 qańtardan bastap dástúrli sipatta bilim alatyn 43, qashyqtan oqityn 27 baladan indet tabyldy.
Óńirde koronavirýstyń órshi túskenin atap ótken M.Aryspaev demalys kúnderi qoǵamdyq kóliktiń qozǵalysyn toqtatýdy usyndy.
Vedomstvo basshylarynyń esepterin tyńdaǵan oblys ákimi Ǵ.Esqaliev bul usynysty qoldap, eger koronavirýstyń taralý qarqyny kemimese, meditsina qyzmetkerlerine qiynǵa túsetinin jetkizdi. Buǵan turǵyndardyń sanitarlyq talapty saqtamaýy sebepshi bolyp otyr. Sondyqtan qatań is-sharalardyń koronavirýsqa tosqaýyl qoiýǵa septesetini anyq.
Jiynda memlekettik jáne jeke mekemeler qyzmetkerlerin qashyqtan jumys isteýge kóshirýdi jalǵastyrý, karantin kezinde kafeler men meiramhana ielerine, sondai-aq jumysynan aiyrylǵan adamdarǵa memlekettik qoldaý sharalaryn túsindirý jóninde tapsyrma berildi.
