Batys Qazaqstan oblysynda koronavirýs juqtyrǵan adamdar kóbeiip barady, dep habarlaidy "Ult aqparat".
Oblys ákimi Ǵali Esqalievtiń jelidegi paraqshasynda málim etkenindei, kún saiyn óńirde koronavirýs infektsiiasyn juqtyrǵan, aýrýdyń aiqyn belgileri bar (jótel, dene qyzýy jáne t.b.) 30-35 adam tirkeledi. Aýrý belgileri joq naýqastar da kóptep anyqtalýda.
«Biz qosymsha aýrýhanalardy iske qosyp jatqanymyzdyń ózinde koronavirýsqa shaldyqqan adamdar sany kún saiyn artyp, jańadan ashylǵan oryndar tez tolyp qalýda. Dárigerler men medbikeler aýrýmen kúnde kúresip, birneshe aidan beri tynym tappai eńbek etýde», dep jazady óńir basshysy.
Bul óte qaýipti aýrý jáne onyń bar ekenine kópshiliktiń kózi jetti. Óitkeni dertke týysqan, dostar, áriptester shaldyǵýda. Kúni búgin 15 adam ókpeni jasandy jeldetý apparatyna, 21 adam ottegi apparatyna qosylyp jatyr.
Osyndai jaǵdaiǵa qaramastan, keibir azamattar áli de kópshiliktiń qatysýymen ótetin is-sharalar (týǵan kúnder, sadaqa, toilar) uiymdastyryp júr.
Aýrý juqtyrǵan naýqastarmen júrgizgen saýalnamalarǵa qaraǵanda, kóptegen adamdar osyndai sharalardan soń aýyra bastaǵan. Keiin osyndai jaýapkershiligi tómen adamdar virýsty óz otbasylaryna, birge jumys jasaityn áriptesterine juqtyrady.
Osyndai anyqtalǵan derekter boiynsha materialdar sotqa joldandy. Biraq barlyǵyn baqylaý múmkin emes. Osy rette qoǵamnyń qoldaýy qajet.
Qazirgi jaǵdai óte kúrdeli ekenin túsiný qajet. Otbasylyq jáne kópshilik sharalardy ótkizbeý kerek. Shuǵyl qajet bolmasa, kóp adamdar shoǵyrlanǵan jerlerge shyqpaǵan jón. «Sizdiń jáne jaqyn adamdaryńyzdyń densaýlyǵy men ómiri eń aldymen ózińizge bailanysty. Sanitarlyq jáne shekteý sharalardy buzatyn adamdarǵa eskertý jasap, avtobýstar men dúkenderde qorǵanys sharalaryn saqtaýdy talap etińiz.
Al azyq-túlik, qajetti zattar jáne dári-dármekterge bara almaityn muqtaj adamdar «109» nómirine ótinish qaldyra alatyny týraly aitqym keledi. Bizdiń eriktiler olarǵa bar qajetti zattardy jetkizýge kómektesedi. Bul pandemiiany jeńýge bolady. Biraq bári ózimizge bailanysty», dep baǵyttady sózin óńir turǵyndaryna Ǵ.Esqaliev.
