Memlekettik komissiianyń shuǵyl shtaby Batys Qazaqstan oblysy men Shymkent qalasynda COVID-19 infektsiiasyn juqtyrǵan adamdar týraly aqparat taratty, dep habarlaidy "Ult aqparat".
Batys Qazaqstan oblysynda «COVID-19» infektsiiasyn juqtyrǵan 2 azamat ta - júk tasymalymen ainalysatyn 25 jáne 27 jastaǵy Ózbekstan Respýblikasy azamattary.
Resei Federatsiiasynyń Samara oblysymen shekaradaǵy «Syrym» avtoótkelindegi sanitarlyq-karantindik bekette epidemiolog mamandarmen qashyqtyq termometriia jáne saýalnama júrgizý kezinde azamattardyń birinde dene qyzýy kóterilgeni anyqtaldy. Atalǵan azamattar is-áreket algoritmine sai oqshaýlanyp, jedel járdem kóligi shaqyryldy.
Barlyq epidemiiaǵa qarsy is-sharalardy saqtai otyryp, atalǵan azamattar provizorlyq statsionarǵa jetkizilip, koronavirýs juqpasyna taldaý jasaldy.
PTR diagnostikalyq zertteý nátijeleri boiynsha COVID-19 diagnozy naqtylandy. Qazirgi ýaqytta oblystyq juqpaly aýrýlar aýrýhanasynda jeke bokstarǵa ornalastyryldy.
Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alyndy.
Aýrý oshaqtarynda epidzertteý jumystary, «Ulttyq saraptama ortalyǵy» BQO boiynsha filialy dezinfektsiia ortalyǵy mamandary dezinfektsiia júrgizdi.
Sońǵy málimet boiynsha, aimaqta COVID-19 koronavirýs infektsiiasyna shaldyqqan 6 adam oblystyq juqpaly aýrýlar aýrýhanasyna em alýda.
Eske sala keteiik, keshe Batys Qazaqstanda koronavirýs juqtyrǵan eki adamnyń Ózbekstan azamattary bolyp shyqqanyn jazǵan edik.
Sondai-aq, búgin Shymkentte de 4 adamnan koronavirýs tabyldy. 10 sáýir tańǵy saǵat 10:00-degi málimet boiynsha, Shymkenttegi jańadan anyqtalǵan naýqastar koronavirýs infektsiiasyn juqtyrǵan adammen qarym-qatynasta bolýyna bailanysty karantindik statsionarǵa jatqyzylyp, zerthanalyq synama alynǵan.
PTR diagnostikalyq zertteý qorytyndysymen COVID-19 diagnozy naqtylandy. Qazirgi tańda naýqastardyń jaǵdaiy birqalypty. Bekitilgen hattamaǵa sáikes tiisti em júrgizilýde.
Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidemiologiialyq zertteý, dezinfektsiialyq jumystar júrgizilip jatyr.
10 sáýirdegi jaǵdai boiynsha, qalada COVID-19 infektsiiasyn juqtyrǵan jalpy 31 adam bar.
