Batys Qazaqstan oblysynda sońǵy táýlikte tirkelgenderdiń barlyǵy oblys turǵyndary, dep habarlaidy "Ult aqparat".
BQO taýarlar men kórsetiletin qyzmetter sapasy men qaýipsizdigin baqylaý departamenti basshysynyń orynbasary Nurlybek Mustaevtyń brifingte málim etkenindei, 15 sáýirden 16-syna qaraǵan túni úsh naýqas anyqtalǵan.
Budan buryn jazǵanymyzdai, bulardyń ekeýi Reseiden kelgen bolatyn. Úshinshi adam da buryn koronavirýspen aýyrǵan adammen birge Reseiden kelgen bolyp shyqty.
Búgin tańda taǵy tórt naýqastyń qaýipti indetke shaldyqqany belgili boldy.
Bulardyń bireýi buryn koronavirýs juqtyrǵan syrqat adammen qarym-qatynasta bolǵan.
Qalǵan úsh adam 15 sáýir kúni Saratov oblysymen shektesetin «Tasqala» avtobeketindegi sanitarlyq-karantindik beketten ótken kezde ekeýinen qyzýynyń kóterilgeni baiqalǵan. Olardyń bári jedel járdemmen karantindik statsionarǵa jetkizilip, keiin COVID-19 juqtyrǵany naqtylandy.
Qazirgi kezde naýqastardyń barlyǵy oblystyq juqpaly aýrýlar aýrýhanasynda em alýda. Olarmen qarym-qatynasta bolǵan adamdar oqshaýlanyp, aýrý oshaqtarynda dezinfektsiia jumystary júrgizilýde.
Epidemiiaǵa qarsy jumystar jalǵasýda.
Osylaisha Batys Qazaqstan oblysynda sońǵy táýlikte 7 adam tirkelip otyr, aýyrǵandardyń jalpy sany 25-ke jetti. Olardyń bireýi jazylyp, úiine shyqty.
