Batys Qazaqstan oblysynda koronavirýs juqtyrǵan 13 turǵynnyń barlyǵy da Reseiden kelgen, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaevtyń málim etkenindei, bular – Reseidiń Máskeý qalasy men Saratov oblysynda biri vahtalyq ádispen, endi bireýleri jeke qurylystarda qyzmet atqaryp, elge qaityp kele jatqan azamattar.
Bulardyń eń jasy 19-da, úlkeni 49-da (olardyń altaýy – BQO-nyń, beseýi – Almaty oblysynyń, ekeýi – Túrkistan jáne Qaraǵandy oblysynyń azamattary). Olardyń bári «Tasqala» avtoótkelinen ótkennen keiin karantindik statsionarǵa jatqyzylyp, zerthanalyq synama alynǵan kezde koronavirýs juqtyrǵany anyqtaldy.
Osylaisha BQO-da aýyrǵandar sany 116-ǵa jetse, sonyń altaýy jazylyp shyqty. 110-y oblystyq juqpaly aýrýlar aýrýhanasynda em alýda.
«Qazirgi tańda 25 adam provizorlyq, 89 adam karantindik statsionarda jatsa, 1450 adam úiden baqylanýda. Qaýipti keseldiń odan ári órshimeýi úshin turǵyndardan karantindik shekteý talaptaryn qatań saqtaýdy ótinemiz», dedi N.Mustaev.
