Batys Qazaqstan oblysynda koronavirýs indetine shaldyǵýdyń jańadan tirkelgen 6 jaǵdaiy týraly málimet berildi, dep habarlaidy "Ult aqparat" coronavirus2020.kz-ke silteme jasap.
15 sáýir kúni Qazaqstanda koronavirýsqa shaldyqqandar sany 1267-ge jetti. Onyń ishinde 6 jańa oqiǵa Batys Qazaqstan oblysynda tirkeldi.
4 naýqas – Batys Qazaqstan oblysynyń, 2 naýqas Aqtóbe oblysynyń turǵyndary.
«Birinshi jaǵdaida, naýqas Resei Federatsiiasynan keldi. Resei Federatsiiasymen shekaradaǵy «Tasqala» beketinde sanitarlyq-baqylaý beketiniń qyzmetkerleri saýalnama toltyryp, bailanyssyz termometriiamen teksergen kezde eshqandai shaǵymy bolǵan joq. Kelgen sátten bastap úi karantininde, meditsina qyzmetkeriniń baqylaýynda boldy. 14 naýryzda dene qyzýynyń joǵarylaýyna bailanysty jedel járdem kómegine júgingen», - delingen aqparatta.
Ekinshi patsient atalǵan birinshi naýqaspen birge turǵan. Onyń da dene qyzýy kóterilgen. Ol jaqyn bailanysta bolǵan adam retinde tirkeldi.
«Qalǵan 4 jaǵdaida boiynsha, naýqastar – Resei Federatsiiasynda vahtalyq ádispen jumys isteitin azamattar. RF shekaradaǵy «Tasqala» beketinde SBB qyzmetkerleri saýalnama toltyryp, bailanyssyz termometriiamen tekserdi. Shaǵymdary bolǵan joq. Keiin karantindik statsionarǵa jatqyzyldy», - delingen resmi málimette.
PTR diagnostikalyq zertteý qorytyndysymen 6 patsientte de COVID-19 diagnozy naqtylandy. Barlyǵy infektsiialyq statsionarǵa jatqyzyldy. Naýqastarmen qarym-qatynasta bolǵan adamdar anyqtalýda.
