Batys Qazaqstan oblysynda borannyń jiileýi qarym-qatynasty qiyndatyp otyr, dep habarlaidy "Ult aqparat".
BQO TJ departamentiniń baspasóz qyzmetinen túsken málimetke qaraǵanda, 24 qańtar kúni saǵat 16.30-dan túngi 23.45-ke deiin Jánibek aýdany Aqoba aýyldyq okrýginde «Aqoba-Jánibek» jolynyń 15-25 shaqyrymynda 2 jeńil jáne 2 («ÝAZ») jolaýshylar kóligi qar qursaýynan shyǵaryldy. Bularda 23 adam bolǵan.
Sol sekildi 25 qańtarǵa qaraǵan túni saǵat 00.00-de Syrym aýdanynda «Jympity-Aqsai» jolynyń 10-shaqyrymynda 1 jeńil kólik (3 adam) joldyń tazartylǵan bóligine jetkizildi.
Jyl basynan beri barlyǵy 184 kólik qar qursaýynan shyǵarylyp, 201 adam qutqaryldy. 162 adam evakýatsiialandy.
Eske sala keteiik, keshe boranǵa bailanysty BQO-da joldardyń jabylǵanyn jazǵan bolatynbyz.
Búgin saǵat 09.00-den bastap respýblikalyq «Qaztalov-Jánibek-RF shekarasy», «Ónege-Bisen-Saiqyn», «Oral-Tasqala-RF shekarasy» jáne oblystyq mańyzy bar «Tasqala-Aqqýrai-Bolashaq» jolynan basqa joldar ashyldy.
Alaida BQO jolaýshylar kóligi jáne avtomobil joldary basqarmasynyń málimeti boiynsha qatty boranǵa bailanysty saǵat 10.00-den bastap oblystyq mańyzy bar «Aqsai-Shyńǵyrlaý», «Shyńǵyrlaý-Lýben-Segizsai» joldary jabyldy.
