Batys Qazaqstan oblysynda koronavirýske shaldyǵý oqiǵalarynyń sany artyp otyr, dep habarlaidy "Ult aqparat".
BQO Taýarlar men kórsetiletin qyzmetterdiń sapasy men qaýipsizdigin baqylaý departamentinen túsken málimetke qaraǵanda, Jánibek aýdanynda buǵan deiin aýrý oshaqtary anyqtalǵan Qamysty jáne Borsy aýyldary karantinge jabyldy.
Eki aýyldyń kireberis joldaryna blokpostar qoiyldy.
BQO-da indetti juqtyrýdyń jańadan 38 jaǵdaiy anyqtalǵanyn buǵan deiin habarlaǵan bolatynbyz. Ósim deńgeii 9,2 paiyzǵa jetti.
Koronavirýs anyqtalǵan 3 adam – Reseide jumys isteitin Almaty, Túrkistan oblystarynyń turǵyndary. «Syrym» avtoótkelinen ótý kezinde densaýlyqtaryna shaǵymy bolmaǵanmen, olar jedel járdemmen karantindik statsionarǵa jatqyzylǵan.
Sondai-aq 30 adam – buryn aýyrǵandarmen qarym-qatynasta bolǵandar. 4 patsient profilaktikalyq tekserý kezinde anyqtalsa, taǵy bireýi – Teńiz ken ornynda jumys jasaityn oblys turǵyny.
Osylaisha, Batys Qazaqstanda naýqastardyń jalpy sany 452-ge jetse, sonyń 251-i jazylyp shyqty.
Qazirgi tańda 201 adam oblystyq juqpaly aýrýlar aýrýhanasynda emdelýde. Oǵan qosa, provizorlyq statsionarda – 20, karantindik statsionarda – 180, úi karantininde – 883 adam jatyr.
Eske sala keteiik, budan buryn Oral qalasynda tórt emhana karantinge jabylǵan bolatyn.
Sondai-aq Qarashyǵanaq kenishi men Syrym aýdanynda da karantin jariialanǵan edi.
