باتىس قازاقستان وبلىسىندا كوروناۆيرۋسكە شالدىعۋ وقيعالارىنىڭ سانى ارتىپ وتىر, دەپ حابارلايدى "ۇلت اقپارات".
بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنەن تٷسكەن مەلٸمەتكە قاراعاندا, جەنٸبەك اۋدانىندا بۇعان دەيٸن اۋرۋ وشاقتارى انىقتالعان قامىستى جەنە بورسى اۋىلدارى كارانتينگە جابىلدى.
ەكٸ اۋىلدىڭ كٸرەبەرٸس جولدارىنا بلوكپوستار قويىلدى.
بقو-دا ٸندەتتٸ جۇقتىرۋدىڭ جاڭادان 38 جاعدايى انىقتالعانىن بۇعان دەيٸن حابارلاعان بولاتىنبىز. ٶسٸم دەڭگەيٸ 9,2 پايىزعا جەتتٸ.
كوروناۆيرۋس انىقتالعان 3 ادام – رەسەيدە جۇمىس ٸستەيتٸن الماتى, تٷركٸستان وبلىستارىنىڭ تۇرعىندارى. «سىرىم» اۆتوٶتكەلٸنەن ٶتۋ كەزٸندە دەنساۋلىقتارىنا شاعىمى بولماعانمەن, ولار جەدەل جەردەممەن كارانتيندٸك ستاتسيونارعا جاتقىزىلعان.
سونداي-اق 30 ادام – بۇرىن اۋىرعاندارمەن قارىم-قاتىناستا بولعاندار. 4 پاتسيەنت پروفيلاكتيكالىق تەكسەرۋ كەزٸندە انىقتالسا, تاعى بٸرەۋٸ – تەڭٸز كەن ورنىندا جۇمىس جاسايتىن وبلىس تۇرعىنى.
وسىلايشا, باتىس قازاقستاندا ناۋقاستاردىڭ جالپى سانى 452-گە جەتسە, سونىڭ 251-ٸ جازىلىپ شىقتى.
قازٸرگٸ تاڭدا 201 ادام وبلىستىق جۇقپالى اۋرۋلار اۋرۋحاناسىندا ەمدەلۋدە. وعان قوسا, پروۆيزورلىق ستاتسيوناردا – 20, كارانتيندٸك ستاتسيوناردا – 180, ٷي كارانتينٸندە – 883 ادام جاتىر.
ەسكە سالا كەتەيٸك, بۇدان بۇرىن ورال قالاسىندا تٶرت ەمحانا كارانتينگە جابىلعان بولاتىن.
سونداي-اق قاراشىعاناق كەنٸشٸ مەن سىرىم اۋدانىندا دا كارانتين جارييالانعان ەدٸ.
