Batys Qazaqstan oblysynda 1,7 mln AQSh dollary turatyn dárilik zattardy shetelge ruqsatsyz áketpek bolǵan kásiporynǵa aiyppul salyndy, dep habarlaidy "Ult aqparat".
BQO ekonomikalyq tergeý departamenti málim etkenindei, shilde aiynda «Tasqala» avtokólik ótkizý beketinde júk kóliginiń 1,7 mln astam dollar turatyn «Fiziotenz» dárilik zatyn Reseige tiisti ruqsat qaǵazdarynsyz alyp bara jatqany anyqtalǵan bolatyn.
Tekseris barysynda «Nobel Almaty farmatsevtikalyq fabrikasy» AQ-nyń atalmysh dárilik zatty el aýmaǵynan áketý tártibin buzǵandyǵy belgili boldy. Sonymen qatar bul kásiporyn dárilik zattar men meditsinalyq buiymdardy áketýge kelisim jáne (nemese) qorytyndy berýge qatysty memlekettik qyzmet kórsetý qaǵidasyn da belden basqan bolyp shyqty.
Sot sheshimimen atalǵan kásiporyn QR Ákimshilik quqyqbuzýshylyq kodeksi 463-baby 1-bóligine sáikes kináli dep tanylyp, ákimshilik quqyq buzýshylyq nysandaryn tárkilemesten, 416,7 myń teńge kóleminde aiyppul salyndy.
